खोटाङ, १२ जेठ । सुनकोशीमा डुबेर तीन दिनअघि बेपत्ता बन्नुभएका हलेसी तुवाचुङ नगरपालिका–२ डिकुवाका १६ वर्षीय सविन राईको खोजिकार्य तीव्र बनाइएको छ । पौडी खेल्ने क्रममा शनिबार सुनकोशीमा डुबेर बेपत्ता हुनुभएका सविनको खोजिमा आफन्त, स्यानीयवासी तथा नेपाल प्रहरी र सशस्त्र प्रहरी खटिएका छन् ।
डिकुवास्थित ओख्लाङका विन्द्रकेशर राईका छोरा सविनलाई शनिबार बिहान करिब ११ः०० बजेको समयमा सुनकोशीले बगाएको खबर प्राप्त भएको डिकुवाका वडाध्यक्ष देवेन्द्र राईले जानकारी दिनुभएको छ । पौडी खेल्नेक्रममा सविन सुनकोशी बेपत्ता भएको जानकारी पाएलगत्तै स्थानीयवासी तथा सुरक्षाकर्मीले खोजि गर्नेक्रम जारी राखेपनि हालसम्म फेला पार्न नसकेको वडाध्यक्ष राईले बताउनुभएको छ ।
सुनकोशीमा डुबेर सविन बेपत्ता भएको घटनास्थलबाट जानकारी आउनासाथ इलाका प्हरी कार्यालय हलेसी र च्यास्मिटार प्रहरी चौकीबाट प्रहरी टोली खटाइएको जिल्ला प्रहरी कार्यालय खोटाङका निमित्त प्रमुख प्रहरी निरीक्षक राज विष्टले जानकारी दिनुभएको छ । बेपत्ता सविनलाई डिकुवाका वडा सदस्य सुर्ज अधिकारीसहितको टोलीले सुनकोशी वारिपारी खोजि गरिरहेको जनाइएको छ ।
बेपत्ता सविनको खोजि तथा उद्धारका लागि जिल्लाबाट नेपाल प्रहरी र सशस्त्र प्रहरीको टोलीसमेत घटनास्थलमा परिचालन गरिएको जिल्ला सुरक्षा समितिले जनाएको छ । धामी लिन भनेर ओख्लाङबाट स्थानीय १५ वर्षीय सागर राईसँग सविन डिकुवा गएको आफन्तले बताएका छन् ।
सुनकोशी किनारको बाटो हुँदै गएका दुवैजना तुइम्बुस्थित बाँदरेखोप भन्ने ठाउँमा पौडी खेल्न कोशीमा पसेको जानकारी पाइएको वडाध्यक्ष राईले बताउनुभएको छ । गर्मी भयो भन्दै कोशीमा पौडी खेल्न पस्नुभएका सविनलाई भने कोशीले बगाएर बेपत्ता बनाएको सागरले बताएको जनाइएको छ ।
सुनकोशमिा डेबेर बेपत्ता बनेका सविन तीन दिनसम्म पनि फेला नपरेपछि गोताखोर झिकाएर जोजि कार्यलाई तीव्रताका साथ अगाडि बढाउन जिल्ला सुरक्षा समितिलाई आग्रह गरिएको हलेसी तुवाचुङ नगरपालिकाका नगरप्रमुख विमला राईले जानकारी दिनुभएको छ । “धामी लिन भनेर हिँडेका छोरा तीन दिनसम्म पनि फेला घर नफर्कँदा परिवार भावविह्वल बनेका छन् । उनीहरु आफ्नो छोरा जीवित नफर्किए पनि लास देख्न चाहन्छन्”, उहाँले भन्नुभयो, “जिल्लाबाट खटिएका सुरक्षाकर्मीको टोलीले हालसम्म बेपत्ता सविनलाई फेना पार्न सकेको छैन । गोताखोर टोली झिकाएर जोजि कार्यलाई तीव्रताका साथ अगाडि बढाउन प्रमुख जिल्ला अधिकारीलाई आग्रह गरेकी छु ।”
सुनकोशीमा डुबेर तीन दिनदेखि बेपत्ता बनेका सविनको खोजि तथा उद्धारका लागि सशस्त्र प्रहरीको गोताखोर बोलाउने तयारी भइरहेको जिल्ला सुरक्षा समितिका संयोजक एवम् प्रमुख जिल्ला अधिकारी नरहरि घिमिरेले जानकारी दिनुभएको छ । “जिल्लाबाट खटिएका नेपाल प्रहरी र सशसत्र प्रहरकिो संयुक्त टोली अहिले पनि घटनास्थमै छन् । अहिलेसम्म केही पत्ता लागेको छैन”, उहाँले भन्नुभयो, “सुनकोशीमा डुबेर तीन दिनदेखि बेपत्ता बनेका सविन राईको खोजिका लागि गोताखोर झिकाउने विषयमा छलफल भइरहेको छ । जिल्लाबाट परिचालन गरिएको टोलीले फेला नपरेको खण्डमा भोलि सुरक्षा समितिको बैठक बसेर गोताखोर झिकाउने तयारीमा छौँ ।”
सविन सुनकोशीमा डुबेर बेपत्ता भएपछि सँगै पौडी खेल्न पसेका सागरले फोन गरेर परिवारलाई जानकारी गराएको बुझिएको छ । सुनकोशीमा बेपत्ता सविन च्यास्मिटार माध्यमिक विद्यालयको कक्षा–१० मा अध्ययनरत विद्यार्थी रहेको विद्यालयका प्रधानाध्यापक तेजकुमार चाम्लिङ राईले बताउनुभएको छ ।