ताजा समाचार

खोटाङ, १८ माघ । विश्वप्रसिद्ध त्रिधार्मिकस्थल हलेसीलाई विश्व सम्पदा सूचीमा सूचीकृत गर्न पहल थालिएको छ । हिन्दू, बौद्ध र किरात धर्मावलम्बीको सङ्गमस्थल खोटाङको हलेसीलाई विश्व सम्पदा सूचीमा सूचीकृत गर्न हलेसी तुवाचुङ नगरपालिकाले पहल थालेको हो । नगरपालिकाको हिउँदे नगरसभाले विश्वप्रसिद्ध त्रिधार्मिकस्थल हलेसीलाई विश्व सम्पदा सूचीमा सूचीकृत गर्ने निर्णय पारित गरेको नगरप्रमुख विमला राईले जनाइन् । “तीनवटा धर्मको सङ्गमस्थल हाम्रो नगरपालिकामा छ । यसलाई विश्व सम्पदा सूचीमा सूचीकृत गर्न आवश्यक छ । यसका लागि पुरातत्व विभागमार्फत संयुक्त राष्ट्रसङ्घीय शैक्षिक, वैज्ञानिक तथा सांस्कृतिक समूहसमक्ष दस्तावेज पुर्याउन पहल गरिने छ”, उनले भनिन्, “विश्व सम्पदा सूचीमा सूचीकृत भएको खण्डमा चौतर्फी विकास गर्न सकिन्छ । यसका लागि विभिन्न निकायसँग छलफल सुरू गरिएको छ ।” भष्मासुर राक्षसबाट बच्न शिवजीले आश्रय लिएको,...

खोटाङ, १७ माघ । दिक्तेल रुपाकोट मझुवागढी नगरपालिका–१२ जालपामा कुकुरले शरीरजति खाएको अवस्थामा नवजात शिशुको एउटा हात फेला परेको छ । जालपास्थित खरबारीका जसबहादुर राईको घर नजिकै पर्ने बाँसघारीमा नवजात शिशुको शव गाडेको छ भन्ने स्थानीयले दिएको जानकारीको आधारमा आज (बिहीबार) जिल्ला प्रहरी कार्यालय खोटाङबाट खटिएर गएको प्रहरी टोली पुग्दा कुकुरले शरीरजति खाइसकेको अवस्थामा शिशुको एउटा हात फेला परेको हो । घटनास्थलको कानूनी प्रक्रिया पूरा गरी कुकुरले खाएर बाँकी रहेको नवजात शिशुको हात परीक्षणका लागि जिल्ला अस्पताल खोटाङ ल्याइएको जिल्ला प्रहरी कार्यालयबाट प्रहरी निरीक्षक सञ्जु कार्कीले जानकारी दिनुभएको छ । जालपामा नवजात शिशुको शव गाडिएको अवस्थामा फेला परेको विषयमा प्रहरी टोली परिचालन गरेर अनुसन्धान शुरु गरिएको जिल्ला प्रहरी कार्यालय खोटाङले जनाएको छ । बाँसघारीमा खाल्डो खनेर गाडिएको अवस्थामा भेटिएको ...

खोटाङ, १७ माघ । दिक्तेलबाट बिरामी लिएर काठमाडौँ जाँदै गरेको सुमो ओखलढुङ्गाको मानेभञ्ज्याङ गाउँपालिका–७ टेकसेलेस्थित भँडारेखोलामा दुर्घटना हुँदा तीनजनाको मृत्यु भएको छ । केपिलासगढी गाउँपालिका–३ बास्पानीकी ५६ वर्षीया मायाँ गुरुङ, उहाँका छोरा २८ वर्षीय पुजन गुरुङ र दिक्तेल रुपाकोट मझुवागढी नगरपालिका–१२ जालपा निवासी मायाँकी बहिनी ४५ वर्षीया तारा गुरुङ गुरुङको मृत्यु भएको हो । जिल्ला प्रहरी कार्यालय खोटाङले दिएको जानकारीअनुसार पूर्व खोटाङ यातायात प्रा.लि.को ना १ ज ६४२१ नम्बरको सुमो दिक्तेलबाट बुधबार साँझ करिब ७ः३० बिरामी लिएर काठमाडौँ हिँडेको थियो । आगलागीमा परेर गम्भीर घाइते पर्नुभएकी मायाँलाई लिएर काठमाडौँ हिँडेको सुमो गएराति नै दुर्घटना भएको हुनसक्ने स्थानीयबासीले जनाएका छन् । मध्यपहाडी लोकमार्ग लोकमार्ग सडकखण्डको भँडारेखोलामा बिहान करिब ६ः३० बजेको समयमा सुमो दुर्घना भएको अवस्थमा स्थान...

खोटाङ, १७ माघ । नेपाल कम्युनिष्ट पार्टी (एमाले)को भातृ सङ्गठन नेपाल निजामती कर्मचारी सङ्गठन खोटाङको अध्यक्षमा रामप्रसाद आचार्य चयन हुनुभएको छ । दिक्तेलस्थित जिल्ला समन्वय समिति खोटाङको सभाहलमा बुधबार साँझ सम्पन्न सङ्गठनको १२ औँ जिल्ला अधिवेशनले आचार्यलाई सर्वसम्मत अध्यक्षमा चयन गरेको हो । अधिवेशनले जिल्ला कार्यसमितिको उपाध्यक्षमा बिनोद राई, महिला उपाध्यक्ष दिक्षिका शाक्य, सचिव गणेशप्रसाद आचार्य, उपसचिवमा सुवास राई र कोषाध्यक्षमा अगमसिं विश्वकर्मालाई चयन गरेको छ । उन्नाइस सदस्यीय जिल्ला कार्यसमितिको सदस्यहरुमा सुशिला आचार्य, उषाकला राई, सिर्जना लुईटेल, वविता आचार्य (ढकाल), शंकर घर्तीमगर, हरिहर ढकाल, राजनप्रसाद दुलाल, राजु बस्नेत, मनोज बस्नेत, सुनिल दाहाल, अर्जुन ढकाल, दिनेश बस्नेत र रोशन श्रेष्ठ रहनुभएको छ । अधिवेशनले रेखा राई ‘क्षितिज’, पवन पोखरेल, सुशिला घिमिरे र सीताराम खतिवडालाई क...

खोटाङ, १६ माघ । दिक्तेल रुपाकोट मझुवागढी नगरपालिकाले आयोजना गरेको खुला बाँसुरी बादन प्रतियोगिताको उपाधि कैलाश राई जित्नुभएको छ । जिल्लाको प्रमुख व्यापारिक केन्द्र दिक्तेल बजारस्थित सरस्वती माध्यमिक विद्यालय दिक्तेलमा आज (बुधबार) साँझ सम्पन्न प्रतियोगितामा हलेसी तुवाचुङ नगरपालिका–५ दुर्छिमका राईले १३ जना प्रतिस्पर्धीलाई हराउँदै उपाधि जित्नुभएको हो । प्रतियोगितामा दिक्तेल रुपाकोट मझुवागढी नगरपालिका–४ खाल्लेका लक्ष्मण राई दोस्रो, सिन्धुपाल्चोक मेलम्चीका सँगीत लामा तेस्रो तथा हलेसी तुवाचुङ नगरपालिका–५ दुर्छिमका कविन्द्र राई चौथो हुनुभएको छ । विजयी प्रतियोगीहरुले क्रमशः नगद रु दश हजार, रु सात हजार, रु पाँच हजार र रुतीन हजारसहित प्रमाणपत्र प्राप्त गर्नुभएको छ । वरिष्ठ बाँसुरी बादक नगेन्द्र बिक्रम राई, गायक तथा सँगीतकारहरु भलाकाजी राई र नवीन राई ‘सङ्घर्ष’ बाँसुरी बादनप्रतियोगिताको निर्णायक ...

खोटाङ, १४ माघ । केपिलासगढी गाउँपालिकाले आयोजना गरेको अन्तर माध्यमिक विद्यालयस्तरीय राष्ट्रपति रनिङ शिल्ड पृथ्वी माध्यमिक विद्यालय बाक्सिलाले आफ्नो बनाएको छ । गाउँपालिकाले आयोजना गरेको तेस्रो अन्तर माध्यमिक विद्यालयस्तरीय राष्ट्रपति रनिङ शिल्ड प्रतियोगितामा लगातार तेस्रो पटक विजयी भएपछि पृथ्वी माविले राष्ट्रपति रनिङ शिल्ड आफ्नो बनाएको हो । राष्ट्रपति रनिङ शिल्ड प्रतियोगिता सञ्चालन निर्देशिका २०७०, पाँचौ संशोधन २०८० मा उल्लेख भएअनुसार लगातार तीन पटकसम्म रनिङ शिल्ड प्रतियोगितामा विजयी हुनेले सो रनिङ शिल्ड सधँैका लागि राख्न पाउने व्यवस्था छ । चार दिनसम्म सञ्चालन भएको प्रतियोगितामा सितोरियो कराँते र तेक्वान्दोसहित २६ स्वर्ण, २१ रजत २५ कास्य पदक ल्याएर पृथ्वी मावि बाक्सिलाले उपाधि जितेको हो । यही माघ–११ गतेबाट शुरु भएको प्रतियोगितामा आठ स्वर्ण, तीन रजत, एक कास्य पदकसहित शुक्रजित मावि दोस्र...

खोटाङ, १४ माघ । दिक्तेल रुपाकोट मझुवागढी नगरपािलकाले आयोजना गरेको अन्तर माध्यमिक विद्यालयस्तरीय तेस्रो राष्ट्रपति रनिङ शिल्ड प्रतियोगिताको उपाधि दिक्तेल ईङ्ग्लिस बोर्डिङ स्कूल दिक्तेलले जितेको छ । नगरपालिकाभित्र सञ्चालित २४ वटा माध्यमिक विद्यालय सहभागी प्रतियोगितामा १८ स्वर्ण, १८ रजत र १९ कास्य पदकसहित दिक्तेल बोर्डिङ स्कूल दिक्तेलले उपाधि जितेको हो । जिल्लाको प्रमुख व्यापारिक केन्द्र दिक्तेल बजारस्थित माटीकोरे खेलमैदानमा सञ्चालन भएको प्रतियोगितामा सरस्वती माध्यमिक विद्यालय दिक्तेल द्वितीय भएको छ । उसले दश स्वर्ण, दश रजत र ११ कास्य पदकसहित द्धितीय स्थान प्राप्त गरेको हो । चार दिनसम्म सञ्चालन गरिएको प्रतियोगितामा नौँ स्वर्ण, छ रजत र पाँच कास्य पदक सहित जनजागृति आवासीय विद्यालय सोल्मा तृतीय तथा पाँच स्वर्ण, चार रजत र दुई कास्य पदकसहित श्री माध्यमिक विद्यालय बाँसबोटे लफ्याङ चौथो भएको छ ...

खोटाङ, १३ माघ । जिल्ला प्रहरी कार्यालय खोटाङले कृषि विज्ञ मदन राईविरुद्ध दर्ता गरेको मुद्दामा जिल्ला अदालत खोटाङले दोषी ठहर गरेको छ । पीडित भनिएकी किशोरीले दिएको उजुरीको आधारमा प्रहरीले दर्ता गरेको बाल यौन दुरुपयोग सम्बन्धी मुद्दामा कृषि विज्ञ राईलाई अदालतले यही माघ–१० गते कसुरदार ठहर गरेको हो । जिल्ला न्यायाधीश नारायणप्रसाद दाहालको इजलासले कृषि विज्ञ राईलाई दोषी ठहराएको जिल्ला अदालत खोटाङका सूचना अधिकारी सुदिपकुमार भट्टराईले जानकारी दिनुभएको छ । यद्यपि, कृषि विज्ञ राईलाई दोषी ठहर गरेपनि कति सजाय हुने भन्नेबारे भने अर्को पेसीमा सुनुवाइ हुने जिल्ला अदालतले जनाएको छ । अदालतका सूचना अधिकारी भट्टराईका अनुसार सजाय निर्धारणका लागि यही माघ–२५ गतेलाई अर्को पेसी तोकिएको छ । दिक्तेलस्थित सोल्मामा आफैले सञ्चालन गरेको शुभम् फाउन्डेसनमा अध्ययनरत बालिकालाई यौन दुरुपयोग गरेको अभियोगमा कृषि विज्ञ रा...

खोटाङ, १३ माघ । प्रेस चौतारी नेपाल खोटाङको अध्यक्षमा राजन ठटाल चयन हुनुभएको छ । चौतारीको पाँचौँ जिल्ला अधिवेशनमा उपाध्यक्ष चयन हुनुभएका ठटाल छैटौँ जिल्ला अधिवेशनमा अध्यक्ष चयन हुनुभएको हो । दिक्तेलस्थित होटल शुभदिनमा आज (आइतबार) सम्पन्न छैटौँ जिल्ला अधिवेशनले समितिको उपाध्यक्षमा पवन राई, महिला उपाध्यक्षमा अस्मिता खत्री, सचिवमा सन्तोष पौडेल, सहसचिवमा प्रतिरोध आचार्य र कोषाध्यक्षमा लक्ष्मी अधिकारीलाई चयन गरेको छ । एघार सदस्यीय जिल्ला कार्यसमितिको सदस्यहरुमा टिवन राई, प्रमेश ढकाल, भुवन कटवाल, रामप्रसाद राई र प्रेम श्रेष्ठ चयन हुनुभएको छ । नवनिर्वाचित कार्यसमितिलाई चौतारीका केन्द्रीय सदस्य एवम् कोशी प्रदेश समितिका सह–ईन्चार्ज हरिवोल आचार्यले पद तथा गोपणीयताको शफथ ग्रहण गराउनुभएको छ । कार्यक्रमका वक्ताहरुले चौतारीका नवनिर्वाचित कार्यसमितिलाई सत्य, तथ्य र निष्पक्ष भएर पत्रकारिता गर्न आग्रह...

खोटाङ, १३ माघ । हलेसी तुवाचुङ नगरपालिकाले गत असोज–१२ गते सुनकोशीमा आएको भीषण बाढीले किसानको खेतबारीमा थुपारेको गेगर पन्छाउने काम शुरु गरेको छ । पाकेर थन्क्याउने समयको अन्नबाली नष्ट गर्दै किसानको खेतबारीमा बाढीले थुपारेको बालुवा, गिटी र ढुङ्गा हटाएर पुनः खेती गर्न योग्य जमिन बनाउन नगरपालिकाले जेसिबी प्रयोग गरेर पन्छाउन शुरु गरेको हो । सुनकोशीमा आएको भीषण बाढीले हलेसी तुवाचुङ नगरपालिकाको वडा नं. २ डिकुवा, वडा नं. ८ धितुङ र वडा नं. ११ राजापानीका करिब १५० घरधुरी स्थानीय किसानको करिब २५० रोपनीभन्दा बढी खेतबारी खण्डहर बनाएको छ । धितुङ र राजापानीको सिमानामा पर्ने भाडबेँसीका मात्रै ६० घर किसानको १५० रोपनीभन्दा बढी खेतीयोग्य जमिन बाढीले ल्याएको गेगरले पुरिएको स्थानीयले बताएका छन् । भीषण बाढीका कारण पूर्ण क्षति बेहोरेका राजापानीका ३१ घर किसानलाई गत असोजमै नगरपालिकाले रु सात हजारको दरले राहत प्...