गृह पृष्ठ

खोटाङ, २७ पुस । नेपाल मगर सङ्घ खोटाङको अध्यक्षमा वीरेन्द्र मगर चयन हुनुभएको छ । रावाबेँसी गाउँपालिका–३ लामीडाँडामा आज (शनिबार) सम्पन्न मगर विद्यार्थी सङ्घको दोस्रो जिल्ला सम्मेलनले वीरेन्द्र मगरको नेतृत्वमा २१ सदस्यीय जिल्ला कार्यसमिति सर्वसम्मत् चयन गरेको हो । समितिको उपाध्यक्षमा प्रदीप लुङ्गेलीमगर, सचिवमा यानुकला थापामगर, सहसचिवमा रमिला खपाङ्गीमगर र कोषाध्यक्षमा गङ्गा पुलामीमगर चयन हुनुभएको छ । सदस्यहरुमा नवीन रानामगर, मुकेश रानामगर, धनकुमार पूर्वछानेमगर, रवि रानामगर, सजना मगर, ममता मगर, राधा मगर, तुलशा मगर, अनुशा मगर, लक्ष्मी थापामगर, रेणुका थापामगर, जमुना बलम्पाकीमगर, रमिला खपाङ्गीमगर, मनोज खपाङ्गीमगर, सुजता रानामगर र कला खपाङ्गीमगर चयन हुनुभएको छ । नवनिर्वाचित जिल्ला कार्यसमितिका पदाधिकारी तथा सदस्यहरुलाई नेपाल मगर विद्यार्थी सङ्घका केन्द्रीय सदस्य एवम् प्रदेश ईन्चार्ज प्रका...

खोटाङ, २७ पुस । सगरमाथा लोकमार्ग अन्तरगत दिक्तेल–गाईघाट सडकखण्डमा पर्ने सुनकोशी नदीस्थित फोक्सिङटारमा जडान गरिएको अस्थायी बेलिब्रिज सञ्चालनमा आएको छ । गत असोज–१२ गते आएको भीषण बाढीले मोटरेबल पक्की पुल बगाएपछि त्यसको वैकल्पिक व्यवस्थापन गर्न अस्थायी बेलिब्रिज जडान गरिएको हो । खोटेहाङ गाउँपालिका–९ को लिच्कीराम्चे र उदयपुरको रौतामाई गाउँपालिका–६ आपटारको सीमानामा पर्ने फोक्सिङटारमा रु एक करोड दुई लाख ९४ हजार ६७७ लागतमा सगरमाथा लोकमार्ग गाईघाट–दिक्तेल योजना कार्यालयका प्रमुख पशुपति ज्ञवाली जानकारी दिनुभयो । खोटाङबाट पूर्वी तराईका विभिन्न जिल्ला जोड्न प्रमुख मार्गमा पर्ने फोक्सिङटारमा ५० मिटर लम्बाई र साढे तीन मिटर चौडाई रहेको अस्थायी बेलिब्रिज आरएन कन्स्ट्रक्सन मल्टिपर्पोज प्रा.लि. उदयपुर कटारीले जडान गरेको हो । हिउँदभर करिब छ महिना सञ्चालन हुने अस्थायी बेलिब्रिज आज (शनिबार) कोशी प्रदेश स...

खोटाङ, २६ पुस । नेपाल नेत्र ज्योति सङ्घ केन्द्रीयसभाले खोटाङ शाखाका सभापति र आँखा उपचार केन्द्र दिक्तेलका प्रमुखलाई सम्मान गरेको छ । काठमाडौँको डिल्लीबजारमा सम्पन्न नेत्र ज्योति सङ्घ केन्द्रीयसभाको २९ औँ अधिवेशन उद्घाटन कार्यक्रममा सभापति ईन्द्र कसजुलाई ‘नारायण शर्मा नेत्र ज्योति सम्मान’ र आँखा उपचार केन्द्रका प्रमुख हरिहर श्रेष्ठलाई ‘नेत्र प्राविधिक सम्मान’ प्रदान गरिएको हो । सङ्घका सभापति कसजु र आँखा उपचार केन्द्रका प्रमुख श्रेष्ठले सम्मानपत्रको साथमा रु २५÷२५ हजार राशीको नगद पुरस्कारसमेत प्राप्त गर्नुभएको छ । सम्मानितद्धय सभापति कसजु र आँखा उपचार केन्द्र प्रमुख श्रेष्ठलाई नेपाल सरकारका उपप्रधान तथा सहरी विकासमन्त्री प्रकाशमान सिंह र स्वास्थ्यमन्त्री प्रदीप पौडेलले सम्मानपत्रसहित नगद पुरस्कार प्रदान गर्नुभएको हो । दिक्तेल रुपाकोट मझुवागढी नगरपालिका–१ दिक्तेल बजारमा सभापति कसजु ...

खोटाङ, २६ पुस । रैथाने बाली संरक्षण तथा प्रवद्र्धन अभियानमा लागेको हलेसी तुवाचुङ नगरपालिकाले पाँच मुरीभन्दा बढी बदाम फलाउने किसानलाई प्रोत्साहनबापतको रकम वितरण शुरु गरेको छ । नगरसभाबाट पारित बदाम प्रवद्र्धन कार्यक्रमअन्तरगत पाँच मुरीभन्दा बढी बदाम फलाउने किसानलाई उनीहरुको गाउँमै लगेर प्रोत्साहनबापतको रकम वितरण शुरु गरेको हो । पहिलो चरणमा नगरपालिकाको वडा नं.–२ डिकुवा र वडा नं.–८ धितुङका किसानलाई प्रोत्साहन रकम वितरण गरिएको नगरपालिकाका कृषि शाखा प्रमुख रवीन भट्टराईले जानकारी दिनुभएको छ । कृषि शाखा प्रमुख भट्टराईका अनुसार धितुङका ९८ जना किसानलाई रु तीन लाख ९४ हजार र डिकुवाका छ जना किसानलाई रु २१ हजार प्रोत्साहनबापतको रकम वितरण गरिएको हो । यस वर्ष धितुङका ९८ जना किसानले ९९७ मुरी र डिकुवाका छ जना किसानले ५० मुरी बदाम उत्पादन गरेको नगरपालिकाले जनाएको छ । एघार वडा रहेको उक्त नगरपालिकामा यो ...

खोटाङ, २५ पुस । दिक्तेलबाट काठमाडौँ जाँदै गरेको टाटा सुमो तोडफोड आरोपमा पक्राउ परेका १३ जना युवाविरुद्ध प्रहरीले आज (बिहीबार) मुद्धा दर्ता गरेर कारबाहीको प्रक्रिया अगाडि बढाएको छ । वीपी राजमार्ग अन्तरगत दिक्तेल–काठमाडौँ सडकखण्डको भकुण्डेबेँसीस्थित पात्लेखेतमा बुधबार साँझ तुवाचुङ मारातिका यातायात प्रा.लि. खोटाङको ना १ ज ६१७२ नम्बरको सुमो गाडी तोडफोडमा संलग्न रहेको आरोपमा पक्राउ परेका १३ युवालाई जिल्ला प्रहरी कार्यालय काभे्रपलाञ्चोकले आपराधिक उपद्रव कसूर अन्तरगतको मुद्धा दर्ता गरेर कारबाहीको प्रक्रिया अगाडि बढाएको हो । गाडी तोडफोड भएको घटनापछि सार्वजनिक भएको भिडियो क्लिप तथा चालकले दिएको ठाडो उजुरीको आधारमा पक्राउ परेका १३ जना युवाविरुद्ध आपराधिक उपद्रव कसूर अन्तरगतको मुद्धा दर्ता गरेर कारबाही प्रक्रिया थालिएको जिल्ला प्रहरी कार्यालय काभ्रेपलाञ्चोकका सूचना अधिकारी प्रहरी नायब उपरीक्षक (डि...

खोटाङ, २५ पुस । दिक्तेलबाट काठमाडौँ जाँदै गरेको टाटा सुमोमाथि काभ्रेको भकुण्डेबेँसीस्थित पात्लेखेतमा तोडफोड गर्नमा संलग्न नौँजनालाई प्रहरीले पक्राउ गरेको छ । वीपी राजमार्ग अन्तरगत दिक्तेल–काठमाडौँ सडकखण्डको पात्लेखेतमा बुधबार साँझ विपरित दिशाबाट आउँदै गरेको निजी कारमा सवार व्यक्तिहरुले तुवाचुङ मारातिका यातायात प्रा.लि. खोटाङको ना १ ज ६१७२ नम्बरको टाटा सुमोमाथि साइट नदिएको भन्दै ढुङ्गामुढासहित तोडफोड गरेका थिए । गाडी तोडफोड भएको घटनापछि सार्वजनिक भएको भिडियो क्लिप तथा चालकको ठाडो उजुरीको आधारमा गाडी तोडफोड गर्नमा संलग्न रहेका नौँ जनालाई पक्राउ गरेर आवश्यक अनुसन्धान थालिएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक (डिएसपी) मिनबहादुर घलेले बताउनुभयो । “घटना बुधबार बेलुकाको हो । पक्राउ परेकाहरुलाई कार्यालय ल्याउन ढिला भयो । राति अबेर कार्यालयमा ल्याइएका उनीहरुमाथि ...

खोटाङ, २४ पुस । दिक्तेलबाट काठमाडौँ जाँदै गरेको टाटा सुमोमाथि काभ्रेको भकुण्डेबेँसीस्थित पात्लेखेतमा तोडफोड भएको छ । वीपी राजमार्ग अन्तरगत दिक्तेल–काठमाडौँ सडकखण्डको पात्लेखेतमा विपरित दिशाबाट आउँदै गरेको निजी कारमा सवार व्यक्तिहरुले साइड नदिएको भन्दै तुवाचुङ मारातिका यातायात प्रा.लि. खोटाङको ना १ ज ६१७२ नम्बरको टाटा सुमोमाथि ढुङ्गामुढासहित तोडफोड गरेका हुन् । यात्रु लिएर काठमाडौँ हिँडेको सुमोमाथि तोडफोड भएपछि चालक केवल राईले गाडी भगाएर काभ्रे प्रहरी चौकी पु¥याएको यातायात प्रा.लि.का अध्यक्ष टेकिन्द्र राईले जानकारी दिनुभएको छ । “गाडी तोडफोडमा संलग्न छ जनालाई काभ्रे प्रहरीले नियन्त्रणमा लिएको भन्ने जानकारी प्राप्त भएको छ । उनीहरुमाथि कडा कारबाही हुनुपर्छ”, उहाँले भन्नुभयो, “तोडफोडमा संलग्नहरुले मादक पदार्थ सेवन गरेका थिए भन्ने बुझिएको छ । अराजक गतिविधि गर्ने कसैलाई छुट छैन । उनीहरुमाथि...

खोटाङ, २२ पुस । दिक्तेल रुपाकोट मझुवागढी नगरपालिका–१४ बुइपास्थित चारवटा टोलका स्थानीयवासीले आयातित पेय पदार्थ सेवनमा पूर्णरुपले प्रतिबन्ध लगाएका छन् । आयातित पेय पदार्थले आर्थिक, परम्परागत संस्कृति र स्वास्थ्यमा समेत प्रतिकूल असर पु¥याएको भन्दै गैरी फुलेली, कुसुङ्खा, उर्लेनी र छापगाउँका स्थानीवासीले विहे, छेवर, गुन्युचोली, पास्नी, काजकिरिया तथा विभिन्न चाडपर्व र मेलापातमा यसअघि सेवन गरिँदै आइएको आयातित पेय पदार्थहरु सेवनमा पूर्णरुपले प्रतिबन्ध लगाएका हुन् । बाहिरी जिल्लाबाट आयातित पेय पदार्थ सेवनले आर्थिक, सांस्कृति तथा मानव स्वास्थ्यमा समेत प्रतिकूल असर गरेकाले पूर्णरुपमा प्रतिबन्ध लगाइएको बुइपास्थित गैरी फुलेलीका स्थानीयवासी एवम् सामाजिक अभियान्ता अरुण राईले जानकारी दिनुभयो । “हाम्रो गाउँमा विहे, छेवर, गुन्युचोली, पास्नी, काजकिरिया, सांस्कृतिक चाडपर्व, मेलापात लगायतमा आयातित पेय पदार्...

खोटाङ, २१ पुस । खोटेहाङ गाउँपालिकामा सम्पन्न छैटौँ पालिकास्तरीय राष्ट्रपति रनिङ शिल्ड प्रतियोगिताको उपाधि सिम्पानी माध्यमिक विद्यालय सिम्पानी र भगवती दिनानाथ माध्यमिक विद्यालय खोटाङबजारले चुमेको छ । गाउँपालिकाको आयोजना तथा भाषा माध्यमिक विद्यालय बडकादियालेको सहआयोजनामा आज (आइतबार) सम्पन्न पालिकास्तरीय छैटौँ राष्ट्रपति रनिङ शिल्ड प्रतियोगितामा समान १५÷१५ अङ्कसहित सिम्पानी र भगवती माविले प्रथम उपाधि चुमेको हो । तीन दिनसम्म सञ्चालन भएको प्रतियोगितामा समान नौँ÷नौँ अङ्कसहित इन्द्रेणीपोखरी माध्यमिक विद्यालय इन्द्रेणीपोखरी र भानु माध्यमिक विद्यालय लिच्कीराम्चे द्धितीय तथा समान छ÷छ अङ्कसहित विणा माध्यमिक विद्यालय लिकुवापोखरी र भाषा माध्यमिक विद्यालय बडकादियाले तेस्रो भएका छन् । छवटा विद्या (भलिबल, रिले दौड, लामो दूरीको दौड, छेलो, हाईजम्प र लङजम्प) प्रतियोगितामा १२ स्वर्ण, १२ रजत र १२ कास्यगरी ३...

खोटाङ, २१ पुस । मायाँ घर नेपाल इटहरी सुनसुरीले कोठामा थुनिएर बस्न बाध्य खोटाङका नौँ वर्षीय बालकसहित सहाराविहीन चार बालबालिकाको उद्धार गरेको छ । छ वर्षदेखि आफ्नै घरको एउटा कोठामा थुनिएर बसेका ऐसेलुखर्क गाउँपालिका–१ राखाबाङ्देलका नौँ वर्षीय बालक अङ्गबहादुर थापा र सहाराविहीन नौँ वर्षीया सुजता राई तथा दिक्तेल रुपाकोट मझुवागढी नगरपालिका–१४ बुइपाका ११ वर्षीय विश्वहाङ राई र १२ वर्षीय रुविन राईलाई मायाँ घर नेपालले आज (आइतबार) उद्धार गरेको हो । जिल्ला प्रहरी कार्यालय खोटाङ र सम्बन्धित वडा कार्यालयको समन्वयमा बन्धक अवस्थामा रहेका एक बालकसहित सहाराविहीन चार बालबालिकाको पालनपोषण, शिक्षादिक्षा तथा स्वास्थ्य उपचार गर्नेगरी उद्धार गरिएको मायाँ घर नेपालका खोटाङ प्रतिनिधि प्रमेश ढकालले जानकारी दिनुभयो । “उद्धार गरिएका चारैजना बालबालिकालाई एम्बुलेन्समार्फत इटहरी पठाइएको छ । उनीहरुको पालनपोषण, शिक्षादिक्ष...