सूचना प्रविधि

खोटाङ, ३१ असार । बराहापोखरी गाउँपालिका–४ फाक्टाङकी २५ वर्षीया इन्द्रा राईको करेन्ट लागेर मृत्यु भएको छ । गएराति साढे ९ बजेतिर आफ्नै घरमा चार्ज गरिराखेको मोबाइल फोन चार्जबाट छुटाउनेक्रममा करेन्ट लागेर गम्भीर घाइते बन्नुभएकी इन्द्राको गएराति नै मृत्यु भएको हो । करेन्ट लाग्ने बित्तिकै बेहोस बन्नुभएकी इन्द्रालाई उपचारमा लैजाने तयारी गर्दागर्दै घटनास्थलमै मृत्यु भएको फाक्टाङका वडाध्यक्ष सन्तोष आचार्यले जानकारी दिनुभएको छ । “राति पानी परिरहेको थियो । नजिकमा एम्बुलेन्स थिएन”, उहाँले भन्नुभयो, “एम्बुलेन्स खोज्दाखोज्दै करिब दश बजेतिर इन्द्राको मृत्यु भयो । करेन्ट लागेर इन्द्राको मृत्यु भएलगत्तै प्रहरीलाई खबर गरेर घटनास्थल सुरक्षित राखेका छौँ ।” घटनाको बारेमा जानकारी आउनासाथ जिल्लाबाट प्रहरी निरीक्षकको नेतृत्वमा प्रहरी टोली परिचालन गरिएको जिल्ला प्रहरी कार्यालय खोटाङका प्रमुख प्रहरी नायब उपरीक...

खोटाङ, २३ जेठ । नेपाल पत्रकार महासङ्घ खोटाङको कार्यालय भवन निर्माणका लागि कोशी प्रदेश सरकारले बजेटको स्रोत सुनिश्चित गरेको छ । कोशी प्रदेश सरकार, भौतिक पूर्वाधार विकास एवम् स्वास्थ्यमन्त्री भुपेन्द्र राईको सिफारिसमा अर्थमन्त्रालयले सहमती दिएपछि पत्रकार महासङ्घ खोटाङको भवन निर्माणका लागि बहुवर्षे आयोजना अन्तरगत रु तीन करोड बजेटको स्रोत सुनिश्चित भएको हो । अर्थमन्त्रालयबाट बजेटको स्रोत सुनिश्चित भएसँगै पत्रकार महासङ्घ खोटाङको भवन निर्माणका लागि नौँ महिनाभित्र ठेक्का सम्झौता गरेर निर्माणको प्रक्रिया शुरु गर्नुपर्ने बाटो खुला भएको छ । सहमतीअनुसार नौँ महिनाभित्र भवन निर्माणका लागि ठेक्का सम्झौता नगरिएको खण्डमा अर्थमन्त्रालयले दिएको सहमती स्वतः खारेज हुने अर्थमन्त्रालय र भौतिक पूर्वाधार मन्त्रालयबीच भएको सहमतीपत्रमा उल्लेख छ । भाडाको घरमार्फत कार्यसञ्चालन गर्दै आएको पत्रकार महासङ्घ खोटाङले...

खोटाङ, ५ जेठ । स्थानीय तहमा सुशासन कायम गर्नका लागि पत्रकारले खेलेको भूमिका महत्वपूर्ण रहेको खोटाङमा आयोजित अन्तरसम्वाद कार्यक्रमका वक्ताहरुले बताएका छन् । नेपाल पत्रकार महासङ्घ कोशी प्रदेशले सोमबार खोटाङको दिक्तेल बजारमा आयोजना गरेको ‘पत्रकारिता क्षेत्रको सशक्तिकरणमा स्थानीय तहको भूमिका’ विषयक अन्तरसम्वाद कार्यक्रममा सहभागी वक्ताहरुले यस्तो बताएका हुन् । कोशी प्रदेश सरकार, आन्तरिक मामिला तथा कानून मन्त्रालयको सहकार्य तथा नेपाल पत्रकार महासङ्घ जिल्ला शाखा खोटाङसँगको समन्वयमा पत्रकार महासङ्घ कोशी प्रदेशले दिक्तेलमा अन्तरसम्वाद कार्यक्रमको आयोजना गरेको थियो । दिक्तेलस्थित होटल शुभदिनमा आयोजना गरिएको अन्तरसम्वाद कार्यक्रममा जिल्लास्थित स्थानीय तहका प्रमुख, उपप्रमुख तथा प्रमुख प्रशासकीय अधिकृतलाई निमन्त्रणा गरिएको थियो । स्थानीय तहका जनप्रतिनिधि र पत्रकारबीच आयोजना गरिएको अन्तरसम्वाद कार...

खोटाङ, २९ चैत । नेपाल पत्रकार महासङ्घ जिल्ला शाखा खोटाङले वि.स. २०८२ सालको भित्तेपात्रो सार्वजनिक गरेको छ । नेपाल पत्रकार महासङ्घ जिल्ला शाखा खोटाङको सातौँ जिल्ला अधिवेशनबाट निर्वाचित नयाँ जिल्ला कार्यसमितिले आज (शुक्रबार) नेपाल पत्रकार महासङ्घको लोगो (चिन्ह) अङ्कित भित्तेपात्रो सार्वजनिक गरेको हो । पत्रकार महासङ्घ जिल्ला शाखा खोटाङले पहिलो पटक प्रकाशन गरेको भित्तेपात्रो बहुउपयोगी रहेको सार्वजनिकीकरण कार्यक्रमका वक्ताहरुले बताएका छन् । नेपाल पत्रकार महासङ्घ जिल्ला शाखा खोटाङका अध्यक्ष हरिवोल आचार्यको अध्यक्षतामा आयोजित कार्यक्रममा प्रेस स्वतन्त्रता सेनानी कृष्ण आचार्य, नेपाल पत्रकार महासङ्घका प्रदेश समिति सदस्य रामधन राई, पूर्व जिल्ला अध्यक्षहरु डम्बरसिं राई र दमन राई तथा पत्रकार महासङ्घका प्रदेश परिषद् सदस्य एवम् प्रेस सेन्टर नेपालका केन्द्रीय सदस्य केदार मगरले संयुक्तरुपमा भित्तेपात्र...

खोटाङ, ४ माघ । पत्रकारको न्यूनतम् पारिश्रमिक समयानुकूल वृद्धि हुनुपर्नेमा खोटाङमा क्रियाशील पत्रकारहरुले जोड दिएका छन् । न्यूनतम् पारिश्रमिक निर्धारण समितिले आज (शुक्रबार) दिक्तेलमा आयोजना गरेको श्रमजीवि पत्रकार ऐन कार्यान्वयनको अवस्था र ऐन संशोधन विषयक अन्तरक्रिया कार्यक्रममा सहभागी पत्रकारहरुले लामो समयअघिदेखि कार्यान्वयन हुँदै आएको न्यूनतम् पारिश्रमिक समयानुकूल संशोधन गरेर वृद्धि गर्ने काम नहुँदा समस्या भएको बताएका छन् । कार्यक्रममा सहभागी वरिष्ठ पत्रकार एवम् प्रेस स्वतन्त्रता सेनानी कृष्ण आचार्यले न्यूनतम् पारिश्रमिक निर्धारण समितिले मोफसलमा रहेर पत्रकारिता गरिरहेका पत्रकारलाई समेत सम्बोधन गर्नेगरी ऐन संशोधन गर्नुपर्ने बताउनुभएको छ । “मोफसलमा रहेका पत्रकारहरु कसरी पत्रकारिता गरिरहेका छन् भन्ने विषयमा सम्बन्धित सञ्चार गृह तथा न्यूनतम् पारिश्रमिक निर्धारण समितिसमेत बेखबर छन् । मोफसलमा...

खोटाङ, १ माघ । नेपाल पत्रकार महासङ्घ शाखा खोटाङले ७० वर्षमाथिका पत्रकारलाई पेन्सनको व्यवस्था गर्न ‘पत्रकार पेन्सन कोष’ स्थापना गर्ने निर्णय गरेको छ । दिक्तेलस्थित पत्रकार महासङ्घ शाखा खोटाङको कार्यालयमा आज (मङ्गलबार) बसेको जिल्ला कार्यसमितिको पूर्ण बैठकले यस्तो निर्णय गरेको हो । जिल्लामा क्रियाशील पत्रकारहरुलाई पत्रकारिता पेशामै टिकाइ राख्न ७० वर्षभन्दा माथिका पत्रकारहरुलाई पेन्सनको व्यवस्था गर्ने उद्देश्यले पत्रकार पेन्सन कोष स्थापना गर्ने निर्णय गरिएको पत्रकार महासङ्घ खोटाङका अध्यक्ष हरिवोल आचार्यले बताउनुभयो । “पत्रकारिता पेशा भनेको सरकारको प्रतिपक्षी पेशा हो । निष्पक्षरुपमा पत्रकारिता गर्ने पत्रकारलाई सरकारले कुनै सेवासुविधा दिने व्यवस्था छैन”, उहाँले भन्नुभयो, “पत्रकारले खबरदारी नगरेको खण्डमा सरकार निरङकुश बन्छ । नागरिकको आवाज सरकार समक्ष र सरकारको निर्णय नागरिकसम्म पु¥याउने पत्रका...

सरकारले सामाजिक सुरक्षा भत्ता नवीकरणका लागि २८ जिल्लामा राष्ट्रिय परिचयपत्रलाई अनिवार्य गरेको छ। मन्त्रिपरिषद् बैठकले जेठ २४ मा गरेको निर्णय अनुसार पहिलो चरणमा २८ जिल्लामा राष्ट्रिय परिचयपत्र अनिवार्य गरिएको हो। राष्ट्रिय परिचयपत्र तथा पञ्जीकरण विभागका महानिर्देशक युवराज कट्टेलले पहिलो चरणमा साउन १ गतेदेखि सामाजिक सुरक्षा भत्ता नवीकरण गर्न राष्ट्रिय परिचयपत्र अनिवार्य गरिएको बताए। अहिले विभागबाट ती जिल्लामा विवरण दर्ताका लागि जनशक्ति समेत थप गरेर स्थानीय तहसँगको समन्वयमा जिल्ला प्रशासन कार्यालयले पालिका तथा वडास्तरमा अभियान सञ्चालन गरिरहेको छ। उनका अनुसार विवरण दर्ता भइरहेको छ। पहिलो चरणमा राष्ट्रिय परिचय नम्बर अनिवार्य गरिएका जिल्लामा झापा, रौतहट, रुपन्देही, मोरङ, सर्लाही, कपिलवस्तु, सुनसरी, काठमाडौं, दाङ, उदयपुर, भक्तपुर, बाँके, सप्तरी, ललितपुर, बर्दिया, सिरहा, सिन्धुली, सुर्खेत, धनुष...

धुलिखेल / सञ्चार रजिष्ट्रारको कार्यालय हेटौंडाको आयोजनामा आज मंगलबार देखि पाँच दिने मोबाइल पत्रकारिता र अनलाईन पत्रकारिता तालिम शुरू भएको छ । मोबाइल पत्रकारिता तालिममा बागमती प्रदेश का २२ जना र अनलाइन पत्रकारिता २० जना पत्रकारहरुको सहभागिता रहेको छ। सहभागी मध्य १२ जना महिला पत्रकार छन् । मोबाइल पत्रकारितामा सहभागीहरुलाई प्रशिक्षक विकास कार्की र रामु सापकोटा तथा अनलाइन पत्रकारिता तालिमका लागि उमेश श्रेष्ठ र प्रवेश सुवेदीले प्रशिक्षण दिँदै छन् । विगत ४ वर्ष देखि नै विभिन्न किसिमको तालिम दिँदै आएको सञ्चार रजिष्ट्रारको कार्यालयले चालू आर्थिक वर्षमा तथ्याङ्क पत्रकारिता, चलचित्र पटकथा लेखन, अनलाइन तथा मोबाइल पत्रकारिता, रेडियो प्राविधिक ,चलचित्र पत्रकारिता लगायतका तालिम सम्पन्न गरीसकेको सञ्चार रजिष्ट्रार रेवती प्रसाद सापकोटाले जानकारी दिए। हाल सञ्चालित तालिम लिएपछि अनलाइन र मोबाईलको प्रयोग...

काठमाडौँ। राष्ट्रपति रामचन्द्र पौडेलले भूकम्पीय जोखिम न्यूनीकरणका लागि विभिन्न सुरक्षात्मक उपाय अवलम्बन गर्दै जानुपर्ने र यसबारे जनचेतना बढाउँदै जान आवश्यक रहेको बताउनुभएको छ । नवौँ भूकम्प स्मृति दिवसको अवसरमा सन्देश दिनुहुँदै राष्ट्रपति पौडेलले भूकम्पीय जोखिम न्यूनीकरणका प्रभावकारी उपाय अवलम्बन गर्ने र सुरक्षात्मक उपायबारे जनचेतना फैलाउन जरुरी रहेको बताउनुभयो । “भूकम्प एक प्राकृतिक विपद् भए पनि प्रत्येक वर्ष बढ्दै गएको सहरीकरणले गर्दा भूकम्पीय जोखिम बढाउँदै लगेको छ । भूकम्पलाई रोक्न नसकिए पनि यसबाट हुनसक्ने सम्भावित जोखिमबाट आफूलाई जोगाउन सकिन्छ”, राष्ट्रपति पौडेलले सन्देशमा उल्लेख गर्नुभएको छ, “नेपाल भूकम्पीय जोखिममा पर्नुका मुख्य कारणमध्ये नेपालको भौगोलिक अवस्थिति र बनावटका कारण तथा मानव निर्मित भौतिक संरचना मुख्य जिम्मेवार छ ।” नेपाल प्राकृतिक प्रकोपको उच्च जोखिममा रहेको उल्लेख गर्द...

धनुषा- अत्यधिक गर्मी बढेपछि धनुषासहित तराई-मधेसको जनजीवन प्रभावित भएको छ । एक सातादेखि अधिकतम् तापक्रम ३८ देखि ४२ डिग्री सेल्सियसको हाराहारीमा पुग्न थालेपछि जनजीवन प्रभावित भएको हो । गर्मीका कारण दिउँसोतीर मुख्य बजार सुनसान हुन थालेका छन् भने सरकारी कार्यालयमा सेवाग्राहीको सङ्ख्यासमेत घट्न थालेको छ । अहिले बालबालिका, ज्येष्ठ नागरिक र रोग प्रतिरोधात्मक क्षमता कमजोर भएका व्यक्तिलाई अझ बढी समस्या भएको चिकित्सकको भनाइ छ । प्रादेशिक अस्पताल जनकपुरधामका प्रवक्ता डा कृष्णदेव दासले अहिले स्वास्थ्य संस्थामा घाउ, खटिरा, टाइफाइड, ज्वरो, झाडापखालालगायत रोगका बिरामीको चाप बढ्न थालेको बताउनुभयो । डा दासले भन्नुभयो, “गर्मी बढेसँगै धनुषामा ‘हिट स्ट्रोक’ अर्थात् ‘लू’ लाग्ने जोखिमसमेत बढ्दै गएको छ । यसले दिउँसोका समयमा दैनिक ज्यालादारी तथा कडा श्रम गर्ने व्यक्तिलाई समस्या हुने देखिन्छ । त्यसैले सबैले आफ्...