Author: खाँटी कुरा

खोटाङ, १३ कात्तिक । ट्याक्टर दुर्घटना हुँदा खोटाङमा दुई जना घाइते भएका छन् । रावाबेँसी गाउँपालिका–५ दुबेकोलको गट्टीडाँडामा कात्तिक १३ गते दिउँसो प्र.२.०१.००१ त १०९५ नम्बरको ट्याक्टर पल्टिँदा सोही ट्याक्टरका चालक २० वर्षका जीवन पाण्डे र स्थानीय नौ वर्षका अतित परियार घाइते भएका हुन् । घाइतेहरुको रावाबेँसी गाउँ अस्पताल हरमटारमा उपचार भइरहेको छ । ट्याक्टर ब्रेक फेल भएर पल्टिएको प्रहरीले जनाएको छ ।...

खोटाङ, १२ कात्तिक । जनता समाजवादी पार्टीको दिक्तेल रुपाकोट मझुवागढी नगरपालिका कार्य समिति गठन गरिएको छ । मुगाधन राईको अध्यक्षतामा ३१ सदस्यीय नगर समिति गठन गरिएको हो । जनता समाजवादी पार्टी दिक्तेल रुपाकोट मझुवागढी नगरपालिका रुपान्तरण कार्यक्रममार्फत जनता समाजवादी पार्टीको नगर समिति गठन गरिएको हो । नगर कार्य समितिको उपाध्यक्षमा हरि राई, नगेन्द्रराज चाम्लिङ, सचिवमा प्रेम राई, सह–सचिवमा देवराज राई र कोषाध्यक्षमा कौशिला राई चयन भएका जसपाका जिल्ला सचिब विरेन्द्र दर्नालले जानकारी दिए । कार्यक्रम जनता समाजवादी पार्टीका प्रदेश अध्यक्ष सनबहादुर राईको प्रमुख आतिथ्यता एबं संघीय परिषद सदस्य राकेश राईको विशेष आतिथ्यतामा सम्पन्न भएको हो । कार्यक्रममा समाजवादी विद्यार्थी युनियनका केन्द्रिय अध्यक्ष प्रकाश चाम्लिङ, जसपाका खोटाङ अध्यक्ष निर्मल राई, समाजवादी महिला संघका जिल्ला अध्यक्ष रेनुका राई, विद्यार्...

खोटाङ, १२ कात्तिक । खोटाङको दिक्तेलबजारमा रहेको प्रभु बैंकको शाखा कार्यालय सारिएको छ । हालसम्म दिक्तेलको अम्बागाछीचोकबाट सञ्चालन गरिएको प्रभु बैंकको शाखा कार्यालयलाई दिक्तेलकै रत्नपार्कमा स्थानान्तरण गरिएको हो । कात्तिक ११ गतेदेखि रत्नपार्कबाट एटिएमसहितको सम्पूर्ण कारोबार सुरु गरिएको प्रभु बैंकको शाखा कार्यालयका प्रवन्धक प्रबिण घिमिरेले बताए । दिक्तेलबजारको पुरानो बैंकचोक नजिकै २०६९ भदौ १४ गते सेञ्चरी कमर्शियल बैंकको शाखा कार्यालय स्थापना गरिएको थियो । २०७९ पुसमा प्रभु बैंक र सेञ्चरी कमर्शियल बैंक मर्ज भएपछि प्रभु बैंक बनेको हो । यो नेपाल राष्ट्र बैंकबाट ‘क’ वर्गको इजाजत प्राप्त बैंक हो । अम्बागाछीचोक आसपासका स्थानीयले भने प्रभु बैंकको शाखा कार्यालय नसार्न आग्रह गर्दैआएका थिए ।...

खोटाङ, ९ कात्तिक । खोटाङको साकेला गाउँपालिका–४ मात्तिम वडा कार्यालयमा लगाइएको तालाबन्दी खुलाइएको छ । २०८० माघ १९ गते अमेरिका गएका वडाध्यक्ष अर्जुनकुमार कटवाल नफर्किएपछि सर्वदलीय टोलीले कात्तिक ८ गते ताला लगाएका थिए । गाउँपालिका र आन्दोलनरत पक्षबिच वडाध्यक्ष कटवालको सम्बन्धमा आवश्यक कानूनी प्रकृया सुरु गर्ने सहमति जुटेपछि कात्तिक ९ गते ताला खोलिएको हो । अमेरिका गएका वडाध्यक्षको वडाध्यक्षको राजीनामा माग गर्दै पुर्ववडाध्यक्ष कृष्णप्रसाद भट्टराई संयोजकत्वको टोलीले वडा कार्यालयमा ताला लगाएका थिए । वडाध्यक्ष कटवाललाई राजीनामा गराएर आसन्न उप–निर्वाचनमा निर्वाचनको वातावरण मिलाउन दबाव दिने उद्देश्यले सर्वदलीय टोलीले वडा कार्यालयमा ताला लगाएका थिए । कटवालले ‘पदबाट राजीनामा दिनुपर्ने वा वडामा आएर काम गर्ने’ वातावरण मिलाउनका लागि १५ दिनको अल्टिमेटम सहित गत साउन २१ गते गाउँपालिकामा ज्ञापन–पत्र बु...

खोटाङ, ८ कात्तिक । खोटाङको हलेसी तुवाचुङ नगरपालिका–३ च्यास्मीटार र हलेसी तुवाचुङ नगरपालिका–४ बडरहेको सिमानामा पर्ने बोझेओढारस्थित गुफा जाने बाटोमा झरेको पहिरो पन्छाइएको छ । कर्णेश्वर महादेव तथा जय विश्वकर्मा बाबा मन्दिरबाट गुफासम्म जाने बाटोमा झरेको पहिरो स्थानीय युवा नवराज घतानीको नेतृत्वमा कात्तिक ८ गते पन्छाइएको हो । गत असोज १२ गतेको भारी वर्षाका कारण बोझेओढारको गुफा जाने सिँढीमा पहिरो झरेको थियो । पहिरो झरेपछि स्थानीयलाई गुफा जान–आउन कठिन भइरहेको थियो । गुफा जाने बाटोमा झरेको पहिरोको अवरोध श्रमदान जुटाएर हटाइएको अगुवा घतानीले जानकारी दिए । गुफा जाने बाटो मर्मतका क्रममा मन्दीर व्यवस्थापन समितिका अध्यक्ष महेश अधिकारी लगायतले श्रमदान गरेका थिए । बाटो मर्मत गर्न बोझेओढार व्यवस्थापन समितिले पनि सहयोग गरेको थियो । बोझेओढार धार्मिक तथा पर्यटीय दृष्टिकोणले महत्वपूर्ण स्थल मानिन्छ । गुफा जाने...

खोटाङ, ८ कात्तिक । खोटाङको हलेसी तुवाचुङ नगरपालिकामा खरिद गरेको १९ वर्षपछि जग्गासहितको खानेपानी मुहान वडा कार्यालयको नाममा पास गरिएको छ । हलेसी तुवाचुङ नगरपालिका–३ च्यास्मीटार र हलेसी तुवाचुङ नगरपालिका–४ बडहरेमा खानेपानी लैजाने गरि २०६२ सालमा खरिद गरिएको हलेसी तुवाचुङ नगरपालिका–५ दुर्छिमको सहरबोटे मुहान वडा कार्यालय च्यास्मीटार र बडहरेको नाममा पास गरिएको हो । तत्कालिन दुई गाबिसको कार्यालयबाट बिनियोजन गरिएको बजेटमा खरिद गरिएको १८ रोपनी खेतसहितको मुहान नगरपालिकाको पहलमा कात्तिक ७ गते वडा कार्यालय च्यास्मीटार र बडहरेको नाममा पास गरिएको छ । बेदमायाँ राउतको नाममा रहेको जग्गा सहितको मुहान २०६६ चैतमा बडहरेका केसीराज मगर र भुमीराज राईको नाममा पास गरिएको थियो । दशकौंसम्म व्यक्तीको नाममा राखिएको मुहानलाई जिल्ला मालपोत कार्यालयमार्फत जनताको नाममा नामसारी गरिएको हलेसी तुवाचुङ नगरपालिकाका मेयर बिमला ...

खोटाङ, ५ कात्तिक । खोटाङको सोल्मा स्पोर्टस क्लवले १७ वर्षमुनिको उमेर समुहको पुरुष फुटबल प्रतियोगीतामा किर्ते जन्म दर्ता पेश गरेर सहभागीता जनाउने तीन खेलाडीलाई तीन वर्षका लागि प्रतिवन्ध लगाएको छ । कात्तिक २ गतेदेखि कात्तिक ५ गतेसम्म सञ्चालन हुने १७ वर्षमुनिको उमेर समुहको पुरुष फुटबल प्रतियोगीतामा किर्ते जन्म दर्ता पेश गरेर सहभागी बनेको खुलेपछि दिक्तेल फुटबल क्लवका खेलाडी सुशान्त ताम्राकार, सुदिप गुरुङ र सुनिल कटुवाललाई तीन वर्षका लागि प्रतिवन्ध लगाएको हो । तोकिएको खेल नियमावली विपरित प्रतियोगीतामा सहभागी बनेको पूष्टि भएकाले तीन जना खेलाडीलाई २०८४ चैत मसान्तसम्म सोल्मा स्पोर्टस क्लवले आयोजना गर्ने कुनै पनि खेलमा सहभागी नगराइने विज्ञप्तीमा उल्लेख छ । कात्तिक ३ गते सोल्मा स्पोर्टस क्लव (सेतो) र दिक्तेल फुटबल क्लव बिच भएको तेश्रो क्वाटरफाइनल खेलमा तीन खेलाडीले किर्ते जन्मदर्ता पेश गरेर...

खोटाङ, ४ कात्तिक । खोटाङको केपिलासगढी गाउँपालिका–३ बासपानीका वडाध्यक्ष तुलाराम राईले दोहोरो यातायात सुविधा वापत लिएको रकम फिर्ता गरेका छन् । महालेखा परीक्षकको कार्यालयले दोहोरो यातायात सुविधा लिएको औंल्याएपछि वडाध्यक्ष राईले दोहोरो यातायात सुविधा वापत लिएको रकम फिर्ता गरेका हुन् । बेरुजु रकम ‘सुटुक्क’ असुल उपर गर्ने/गराउने जनप्रतिनिधिहरु माझ वडाध्यक्ष राईले भने सामाजिक सञ्जालमार्फत दोहोरो यातायात सुविधा वापत लिएको ४७ हजार ५२० रुपैयाँ राजश्व शाखामा जम्मा गरेको जानकारी दिएका छन् । राई २०७९ को स्थानीय तहको निर्वाचनमा नेकपा एकीकृत समाजवादीबाट वडाध्यक्षमा निर्वाचित भएका हुन् । महालेखाले आर्थिक वर्ष २०७९/०८० को लेखा परीक्षण प्रतिबेदनमा दोहोरो यातायात सुविधा लिएको भन्दै वडाध्यक्ष राई सहिन नौ जना गाउँ तथा नगरसभाका सदस्यहरुबाट दोहोरो सुविधा वापत लिएको रकम असुल गर्नुपर्ने औंल्याएको थियो । गाउँ तथ...

खोटाङ, ३० असोज । खोटाङबासीले खोटाङको प्राकृतिक नाकाबन्दी तोड्नका लागि प्रधानमन्त्रीलाई गुहारेका छन् । असोज १२ गते सुनकोसीमा आएको बाढीका कारण फोक्सिङटारको पुल बगेपछि निम्तिएको प्राकृतिक नाकाबन्दी तोड्नका लागि प्रधानमन्त्रीलाई ध्यानाकर्षण–पत्र बुझाएको हो । असोज २३ गते प्रतिनिधिसभा सदस्य रामकुमार राई (पासाङ)को समन्वयमा काठमाडौंमा सम्पन्न सर्वदलीय-सर्वपक्षीय बैठकको निर्णय अनुसार असोज ३० गते प्रधानमन्त्री केपी शर्मा ओलीलाई ध्यानाकर्षण–पत्र बुझाउँदै फोक्सिङटारमा तत्काल पुल बनाएर प्राकृतिक नाकाबन्दी तोड्न आग्रह गरिएको युवा नेता अरुण चाम्लिङले जानकारी दिए । खोटाङबासीकातर्फबाट प्रधानमन्त्रीलाई प्रतिनिधिसभा सदस्य राईले ध्यानाकर्षण–पत्र बुझाएका थिए । खोटाङको खोटेहाङ गाउँपालिका–९ लिच्कीराम्चे र उदयपुरको रौतामाई गाउँपालिका–५ आँपटार जोड्ने ‘आर्क’ ब्रिज बाढीले बगाएपछि उदयपुर र खोटाङको सिधा यातायात सम्प...

भिडियो-काठमाडौं, ३० असोज । संगीत सर्जक इशान बशन्त लामाको नयाँ गीत सार्वजनिक भएको छ । नेपाली संगीतका क्षेत्रमा छुट्टै पहिचान बनाउन सफल इशानको ‘नजिक–नजिक आउन तिमी’ बोलको गीत बजारमा आएको हो । चार मिनेट ५१ सेकेण्ड लामो गीतलाई इशान बशन्त लामा अफिसियल युटुब च्यानलमार्फत सार्वजनिक गरिएको छ । रोमान्टिक लभ सङमा स्वयं इशानको शव्द, संगीत र स्वर रहेको छ । गीतको एरेञ्जर सन्जय हमाल र रेकर्डिस्ट अजय अधिकारी हुन् । मिक्सिङ/मास्टरिङ पनि अजय अधिकारीले नै गरेका छन् । केही समयपछि ‘नजिक–नजिक आउन तिमी’को म्यूजिक भिडियो तयार पार्ने गायक तथा संगीतकार इशानले बताए । संगीतका क्षेत्रमा समर्पित इशानको यसअघि दर्जनौं गीत बजारमा आइसकेको छ । ‘आफु त हजुर, फेरी पनि, तिम्रो आँखामा, गीत हुँ, बुद्धम शरणम गच्छामी’ लगायतका बोलको गीत उनका रुचाइएका गीत हुन् । गायक इशान डेढ दशकदेखि औपचारिकरुपमा सांगीतिक क्षेत्रमा संघर्षरत छन् । भ...