Author: खाँटी कुरा

खोटाङ, १० जेठ । जिल्लाको प्रमुख व्यापारिक केन्द्र दिक्तेल बजारमा सम्पन्न ‘तेस्रो बृहत् खोटाङ–हलेसी खेलकुद, साहित्यिक तथा पर्यटन महोत्सव–२०८३’को समापन कार्यक्रममा विभिन्न क्षेत्रमा रहेर देश विकासमा योगदान पु¥याउने पाँच जनालाई नगदसहित सम्मान गरिएको छ । नेपाल खेलकुद प्रतिष्ठान खोटाङ र नेपाल सितोरियो कराते सङ्घ खोटाङले संयुक्त रुपमा आयोजना गरेको छ दिने बृहत् खेलकुद, साहित्यिक तथा पर्यटन महोत्सव समापन कार्यक्रमको अवसरमा नगदसहित सम्मान गरिएको हो । साहित्यमा तेह्रथुमका साहित्यकार रविमान लम्जेल, शिक्षा तथा समाज सेवामा दिक्तेल रुपाकोट मझुवागढी नगरपालिका–१३ नुनथलाका शिक्षक हेम नाछिरिङ, खेलकुदमा बुइपा ११ स्पोर्टस् क्लबका अध्यक्ष प्रभुराम राई र लफ्याङका वडाध्यक्ष दिनेश घिमिरे तथा पत्रकारितामा दिक्तेलकी पत्रकार सविना अछामे परियारलाई सम्मान गरिएको आयोजकले जनाएको छ । सम्मानित सबैलाई जनही नगद रु ११ हजा...

खोटाङ, ९ जेठ । नेपाल पत्रकार महासङ्घ खोटाङले दुईजना पत्रकारलाई पुरस्कृत तथा पाँचजनालाई सम्मान गरेको छ । पत्रकार महासङ्घ खोटाङले आफ्नो १२ औँ साधारणसभा उद्घाटनको अवसर पारेर शनिबार जिल्लामा क्रियाशील दुईजना पत्रकारलाई पुरस्कृत तथा पाँजना अग्रज पत्रकारलाई सम्मान गरेको हो । पुरस्कृत हुनेमा पत्रकार महासङ्घका पूर्वसचिव उत्तम चौलागाईँ तथा वर्तमान कार्यसमितिका सहसचिव राजन ठटाल रहनुभएको छ । कान्तिपुर टेलिभिजनका खोटाङ सम्वाददाताका रुपमा कार्यरत चौलागाईँ र एभी न्यूज टेलिभिजनका खोटाङ सम्वाददाता ठटाललाई यस वर्षको “विकास पत्रकारता पुरस्कार’ प्रदान गरिएको पत्रकार महासङ्घका सचिव राजकुमार भट्टराई ‘सरगम’ले जानकारी दिनुभएको छ । पत्रकार चौलागाईँ र ठटालले जिल्लामै रहेर समाज, देश तथा विदेशमा रहेका नागरिकलाई सुसूचित गराउने कार्य गरेको भन्दै नगद रु पाँच÷पाँच हजार राशिको पुरस्कार प्रदान गरेको छ । तत्कालीन जिल...

खोटाङ, ८ जेठ । केपिलासगढी गाउँपालिकाले आयोजना गरेको भीर मौरीको मह सिकार ‘हनी हन्टिङ’ महोत्सवमा आन्तरिक तथा बाह्य पर्यटकको भीड लागेको छ । लोपोन्मुख अवस्थामा पुगेको भीर मौरीलाई संरक्षण गर्दै पर्यटन प्रवद्र्धन गर्न कोशी प्रदेश सरकार, पर्यटन, वन तथा वातावरण मन्त्रालयसँगको समन्वयमा गाउँपालिकाले हनी हन्टिङ महोत्सवको आयोजना गरिएको हो । महोत्सवको प्रमुख आकर्षण केपिलासगढी गाउँपालिका–१ फेदीस्थित तेरावाको महभीरमा परम्परागत रुपमा स्थानीयले गरेको भीर मौरीको मह सिकार बनेको गाउँपालिकाका प्रमुख प्रशासकीय अधिकृत सौधन राई ‘युनिक साम्पाङ’ले जानकारी दिनुभएको छ । स्थानीय स्रोत तथा सामग्री प्रयोग गरेर गरिने भीर मौरीको मह सिकार हेर्न जिल्लाभित्रका सबै स्थानीय तह तथा छिमेकी जिल्लाहरु भोजपुर, ओखलढुङ्गा, झापा, विराटनगर लगायतका स्थानीयको सहभागिता रहेको आयोजकले जनाएको छ । तेरावामा तीन दिनसम्म सञ्चालन हुने महोत्...

खोटाङ, ८ जेठ । किरात समुदायको उद्गमस्थल मानिने खोटाङको तुवाचुङ–जायजुममा तीन चुल्हाको पूजासहित बृहत् साकेला सिली प्रदर्शन गरिएको छ । किरात समुदायको महान चाड साकेला उँभौलीको अवसर पारेर तुवाचुङ–जायजुम संरक्षण समितिले आयोजना गरेको कार्यक्रममा नछुङ (धामी)मार्फत मुन्दुमी प्रक्रियाअनुसार तीन चुल्हाको पूजाआजा गरेपछि बृहत् साकेला सिली प्रदर्शन गरिएको हो । चुल्हा पूजा तथा बृहत् साकेला सिली प्रदर्शनी कार्यक्रममा खोटाङ, उदयपुर, ओखलढुङ्गा, भोजपुर लगायत विभिन्न जिल्लाका किरात राई समुदाय भेला भएको तुवाचुङ–जायजुम संरक्षण समितिका महासचिव दिनेश राईले जानकारी दिनुभएको छ । “तुवाचुङ–जायजुम किरात समुदायको उद्गमस्थल हो । यहाँ हरेक वर्ष चुल्हा पूजा तथा बृहत् साकेला सिली प्रदर्शन गर्ने प्रचलन छ”, उहाँले भन्नुभयो, “ऐतिहासिकस्थल तुवाचुङ–जायजुमको स्तरोन्नतिले पर्यटकसमेत आकर्षित हुन थालेका छन् । यसलाई संरक्षण गर्दै...

खोटाङ, ६ जेठ । जिल्लाको प्रमुख व्यापारिक केन्द्र दिक्तेल बजारमा सम्पन्न खुला राष्ट्रिय बुद्धिचाल प्रतियोगिताको उपाधि झापास्थित दमकका प्रकाशचन्द्र नेपालले जित्नुभएको छ । नेपाल खेलकुद प्रतिष्ठान खोटाङ र नेपाल सितोरियो कराते सङ्घ खोटाङले संयुक्त रुपमा आयोजना गरेको ‘तेस्रो बृहत् खोटाङ–हलेसी खेलकुद, साहित्यिक तथा पर्यटन महोत्सव–२०८३’को अवसरमा बुधबार सम्पन्न प्रतियोगितामा नेपालले भारतको सिक्किम निवासी राहुल गुरुङलाई हराउँदै उपाधि जित्नुभएको हो । दिक्तेलस्थित जिल्ला समन्वय समितिको सभाहलमा आयोजना गरिएको प्रतियोगितामा सिक्किमकै थेण्डुप तामाङ तेस्रो हुनुभएको निर्णयक मण्डलले जानकारी दिएको छ । प्रतियोगितामा प्रथम, दोस्रो र तेस्रो हुने खेलाडीले क्रमशः नगद रु २५ हजार, रु १५ हजार र रु दश हजारको साथमा ट्रफी, मेडल र प्रमाणपत्र प्राप्त गरेको आयोजक नेपाल खेलकुद प्रतिष्ठना खोटाङका अध्यक्ष सञ्जयकुमार राईले ...

खोटाङ, ५ जेठ । जिल्लाको प्रमुख व्यापारिक केन्द्र दिक्तेल बजारस्थित अस्पतालचोक–लफ्याङ हुँदै साकेला गाउँपालिका जोड्ने सडक पिच (कालोपत्र)को काम तत्काल अघि बढाउने द्धिपक्षीय सहमति भएको छ । पोलिष्टर–महापोखरी जेभीले पिचको काम नगरेको भन्दै लफ्याङका स्थानीयवासी मङ्गलबार दिक्तेल रुपाकोट मझुवागढी नगरपालिकामा डेलिगेशन गएपछि ठेकेदार कम्पनीका प्रतिनिधि र स्थानीयबीच पिचको काम तत्काल अघि बढाउने सहमति भएको हो । नगरपालिकामा भएको छलफलका क्रममा सडक पिचको ठेक्का पारेको जेभीकातर्फबाट कृष्ण घिमिरले यही जेठ–८ गतेभित्र निर्माणस्थलमा आवश्यक पर्ने मेशिनरी औजार, पिचका लागि आवश्यक पर्ने ढुङ्गा, गिटी, बालुवा, सिमेन्ट, जनशक्ति जुटाएर काम सुरु प्रतिवद्धता जनाउनुभएको छ । नगरप्रमुख तीर्थराज भट्टराईको कार्यकक्षमा भएको भेलाले जेठ–१५ गतेभित्र सडकको अनुगमन गर्दा सडक निर्माण कार्य तोकिएको समयमा द्रुत गतिको देखिने कार्य प्रग...

खोटाङ, ५ जेठ । महालेखापरीक्षकको ६३ औँ वार्षिक प्रतिवेदनअनुसार खोटाङको ऐसेलुखर्क गाउँपालिका यस वर्ष जिल्लाकै सबैभन्दा कम बेरुजु कायम गर्ने स्थानीय तह बनेको छ । जिल्लाका दश स्थानीय तहमध्ये सबैभन्दा कम बेरुजु कायम गर्दै यो वर्ष ऐसेलुखर्क गाउँपालिका पहिलो स्थानमा पुगेको हो । महालेखापरीक्षकको कार्यालयले सार्वजनिक गरेको वार्षिक प्रतिवेदन २०८३ अनुसार ऐसेलुखर्क गाउँपालिकाको बेरुजु शून्य दशमलव ४४ प्रतिशत देखिएको छ । महालेखापरीक्षकको तथ्याङ्कअनुसार ऐसेलुखर्क गाउँपालिकाले रु ११ करोड २५ लाखभन्दा बढी रकमको लेखापरीक्षण गराउँदा करिब ५० लाखमात्र बेरुजु देखिएको हो । न्यून बेरुजु कायम हुनुमा वित्तीय अनुशासन, पारदर्शिता र योजनाबद्ध खर्च व्यवस्थापनको परिणाम भएको लेखा शाखा प्रमुख पङ्कज आचार्यले बताउनुभएको छ । गाउँपालिकाका जनप्रतिनिधि तथा कर्मचारीहरूले पारदर्शी प्रशासन, नियमित अनुगमन र कानूनी प्रक्रिया पा...

खोटाङ, ५ जेठ । नेपाल पत्रकार महासङ्घ खोटाङले जिल्लामा क्रियाशील पत्रकारहरुलाई सहभागी गराएर ‘खोजपत्रकारिता एवम् मल्टिमिडिया’ सम्बन्धी पाँच दिने तालिम सुरु गरेको छ । कोशी प्रदेश सरकार, सामाजिक विकास मन्त्रालयको आर्थिक सहयोगमा पत्रकार महासङ्घ खोटाङले आज (मङ्गलबार)देखि जेठ–९ गतेसम्म पाँच दिने पत्रकारिता तालिमको आयोजना गरेको हो । जिल्लामा क्रियाशील पत्रकारहरुलाई खोज पत्रकारितामा केन्द्रित गर्दै डिजिटल पत्रकारितामा दक्ष बनाउन तालिमको आयोजना गरिएको आयोजक पत्रकार महासङ्घ खोटाङका अध्यक्ष हरिवोल आचार्यले जानकारी दिनुभएको छ । “हामी पत्रकारहरु औपचारिकतामा सीमित भयौँ । समाजमा लुकेर रहेका धेरै विषयवस्तुहरु हामीले उजागर गर्नुछ”, उहाँले भन्नुभयो, “जिल्लामा क्रियाशील पत्रकारहरुलाई खोज पत्रकारितामा केन्द्रित गर्दै डिजिटल पत्रकारितामा दक्ष बनाउन तालिमको आयोजना गरेका हौँ । यो तालिमले आवाजविहीनहरुको आवाज बु...

खोटाङ, ४ जेठ । खानीडाँडा विमानस्थलदेखि–याम्खा–रातमाटा–पञ्चमीबाट दिप्रुङ चुइचुम्मा गाउँपालिकाको कार्यालय हुँदै थामर्खक जोड्ने सडक अस्फाल्ट पिचको काम सुरु गरिएको छ । सङ्घीय सरकारको ५० प्रतिशत र कोशी प्रदेश सरकार, भौतिक पूर्वाधार विकास मन्त्रालयको ५० प्रतिशत गरी बहुवर्षीय योजनाअन्तरगत विनियोजन भएको रु ३० करोड बजेटमा यो सडकमा अस्फाल्ट पिचकोे काम सुरु गरिएको हो । भौतिक पूर्वाधार विकास कार्यालय खोटाङमार्फत ठेक्का आव्हान गरिएकामा ठेकेदार कम्पनी पवित्रा–गाउँले जेभी उदयपुर गाईघाटले रु १७ करोड ४४ लाख दश हजार बजेटमा सम्झौता गरेर सडक निर्माणसहित अस्फाल्ट पिचकोे काम सुरु गरेको पूर्वाधार विकास कार्यालय खोटाङका प्रमुख विनम दाहालले जानकारी दिनुभएको छ । सम्झौताअनुसार ठेकेदार कम्पनीले दुई वर्ष ११ महिनाभित्र यो सडक निर्माणसहित अस्फाल्ट पिचको काम सम्पन्न गरेर कार्यालयलाई हस्तान्तरण गर्नुपर्नेछ । पूर्वाध...

खोटाङ, ४ जेठ । किरात राई कर्मचारी मञ्च खोटाङको छैटौँ जिल्ला अधिवेशनले इरन राईलाई पुनः अध्यक्षमा चयन गरेको छ । दिक्तेल रुपाकोट मझुवागढी नगरपालिकाका महिला तथा बालबालिका शाखा प्रमुखमा कार्यरत राई दोस्रो कार्यकालका लागि पुनः कर्मचारी मञ्चको जिल्ला अध्यक्षमा चयन हुनुभएको हो । एघार सदस्यीय कर्मचारी मञ्च खोटाङको उपाध्यक्षमा मुगाधन राई, सचिवमा अदित राई, सहसचिव सुवास राई र कोषाध्यक्षमा उषाकला राई चयन हुनुभएको छ । जिल्ला कार्यसमितिको सदस्यमा रेस्मा राई, पञ्च राई, टङ्क राई, निसान राई, पदम राई र शशि राई रहनुभएको छ । कर्मचारी मञ्चको अधिवेशनसँगै किरात समुदायको साकेला उँभौली चाडको अवसरमा आइतबार हुर्लुङमा शुभकामना आदानप्रदान तथा अन्तरक्रिया कार्यक्रमसमेत आयोजना गरिएको थियो । सहायक प्रमुख जिल्ला अधिकारी तथा किरात कर्मचारी केन्द्रीय मञ्चकी उपाध्यक्ष कोपिला राईको प्रमुख आतिथ्यतामा अधिकृत सातौँ पदबाट नि...