ताजा समाचार

खोटाङ, ३ चैत । गएराति वर्षासँगै चलेको हावाहुरीले खोटाङमा दर्जनौँ घरगोठ तथा विद्यालयको छाना उडाउँदा करोडौँको क्षति भएको छ । गएराति करिब ८ः०० बजेबाट सुरु भएको वर्षासहितको हावाहुरीले जिल्लास्थित विभिन्न ठाउँका दर्जनौँ स्थानीयवासीको घरगोठ तथा केही विद्यालयका छाना उडाएको हो । हावाहुरीले हलेसी तुवाचुङ नगरपालिका–३ च्यास्मिटारस्थित छोर्तिपास्थित एउटै टोलका १५ घरको छाना उडाएको जानकारी आएको छ । हावाहुरीले सोही नगरपालिकाको बाहुनीडाँडा र धितुङका स्थानीयवासीको २५ घरको छाना उडाएको जानकारी प्राप्त भएको हलेसी तुवाचुङ नगरपालिकाका नगरप्रमुख विमला राईले बताउनुभएको छ । हलेसी तुवाचुङ नगरपालिकाकै वडा नं.–८ धितुङका छविलाला सार्की, कमलबहादुर सार्की र मानबहादुर सार्कीको घरको छानो हावाहुरीले उडाएको बताइएको छ । हावाहुरीले गरेको क्षतिको विवरण सङ्कलन गर्न सम्बन्धित वडा कार्यालयबाट जनप्रतिनिधिसहितको टोली परिचालन ...

खोटाङ, २ चैत । माध्यमिक शिक्षा परीक्षा (एसइई)मा वर्ष खोटाङका दुई हजार ८५७ जना विद्यार्थी सहभागी हुने भएका छन् । साधारणधारको नियमितमा दुई हजार ४५१ जना, साधारणधारकै ग्रेडवृद्धितर्फ २४८ जना, प्राविधिकधारको नियमितमा १५५ जना र प्राविधिकधारकै ग्रेडवृद्धितर्फ तीन जना विद्यार्थी सहभागी हुने भएका हुन् । एसइई परीक्षा सञ्चान गर्न जिल्लामा २० वटा परीक्षा केन्द्र तोकिएको शिक्षा विकास तथा समन्वय इकाई खोटाङका तीर्थ विश्वकर्माले जानकारी दिनुभएको छ । “यस वर्षको एसइई परीक्षा यही चैत–१९ गतेदेखि २९ गतेसम्म सञ्चालन हुँदै छ । परीक्षाका लागि केन्द्र निर्धारण गरेर प्रश्नपत्रसमेत ल्याइसकिएको छ”, उहाँले भन्नुभयो, “हरेक दिन बिहान ८ः०० बजेबाट सुरु हुने एसइई परीक्षामा जिल्लाका ९८ वटा सामुदायिक तथा छवटा निजी माध्यमिक विद्यालयका विद्यार्थी सहभागी हुनेछन् । देशभर एकैसाथ सञ्चालन हुने एसइई परीक्षाको तयारी जिल्लामा समेत ...

–रामधन राई खोटाङ, ३० फागुन । देशभर खाना पकाउन प्रयोग गरिने ग्याँस अभाव भएको हल्ला चलिरहेको बेला खोटाङमा भने अभाव नरहेको बताइएको छ । इरान र अमेरिकाबीच जारी युद्धका कारण बाहिरबाट ग्याँस नआएपनि जिल्लामा भने अभाव नभएको उद्योग वाणिज्य सङ्घ खोटाङले जनाएको हो । जिल्लाको प्रमुख व्यापारिक केन्द्र दिक्तेल बजारमा रिजालको लगायतका ग्याँस सिलिण्डरहरु हालसम्म प्रयाप्त रहेको उद्योग वाणिज्य सङ्घ खोटाङका अध्यक्ष राजनप्रसाद आचार्यले जानकारी दिनुभएको छ । “कम्पनीहरुले नपठाएका कारण जिल्लामा केही दिन अघिदेखि नोबेल ग्याँस भने पर्याप्त मात्रामा थिएन । कटारीबाट ३०० वटा पठाएकाले तत्कालका लागि नोबेल ग्याँस पनि अभाव हुँदैन”, उहाँले भन्नुभयो, “अहिले हरेक उपभोक्ताले आफ्नो घरमा दुई–तीन वटासम्म ग्याँस सिलिण्डर खरिद गरेर भण्डारणगरी राखेका छन् । इरान र अमेरिकामा चलिरहेको युद्ध लामो समयसम्म जारी रहेको खण्डमा भने जिल्ला...

खोटाङ, २७ फागुन । गोरखा नगरपालिका–७ गोरखाका सुजन उपरकोटीले कोरिया पठाउने बहानामा खोटाङकी अनुशा तामाङलाई रु एक लाख ठगी गरेको पाइएको छ । धार्मिक सेमीनारका लागि भिजिट भिषा (भ्रमण प्रवेशाज्ञा)मा कोरिया पठाउने बहनामा सुजनले केपिलासगढी गाउँपालिका–४ बाक्सिला पुर्खौली थलो भइ हाल धरान उपमहानगरपालिका–१५ बस्दै आउनुभएकी अनुशालाई ठगी गरेको पाइएको हो । अनुशाबाट अनुशाले कोरिया पठाइदिने भन्दै गत साउनमा बैङ्किङ कारोबारमार्फत रु एक लाख लिएको प्रमाण प्राप्त भएको छ । हाल मनमैजु बस्दैआएका सुजनले भिजिट भिषामा महिना दिनभित्र कोरिया पठाउने भन्दै पैसा मागेको तर, कोरिया नपठाएको तथा पैसा पनि फिर्ता नदिएको अनुशाले गुनासो गर्नुभएको छ । कोरिया जान तत्काल रु एक लाख जम्मा गर्न भनेपछि अनुशाले ऋण खोजेर सुजनको खातामा क्यूआर गरिदिएको पाइएको छ । कोरिया पुग्ने सपनामा अनुशाले सुजनलाई गत साउन–१४ गते रु ५० हजार र साउन–१९ गत...

खोटाङ, २५ फागुन । प्रतिनिधिसभातर्फ एउटामात्रै निर्वाचन क्षेत्र रहेको खोटाङमा समानुपातिकतर्फ पनि श्रम संस्कृति पार्टी पहिलो बनेको छ । प्रत्यक्षतर्फ १६ हजार ६१२ मतसहित आरेन राईलाई प्रतिनिधिसभा सदस्यमा विजयी गराएका मतदाताले जिल्लामा समानुपातिकतर्फ समेत श्रम संस्कृति पार्टीलाई नै बढी मत दिएको हो । समानुपातिकतर्फ कुल ६३ हजार २५७ खसेको मतमध्ये श्रम संस्कृति पार्टीले १८ हजार १३७ मत प्राप्त गरेको छ । गत कातिक–१६ गते मात्रै निर्वाचन आयोगबाट मान्यता प्राप्त गरेको श्रम संस्कृति पार्टी जिल्लामा पहिलो राजनीतिक दल बन्न सफल भएको हो । श्रम संस्कृति पार्टीका लागि प्राप्त मत परिणामले अन्य निर्वाचनमा समेत बलियो उपस्थिति रहने सङ्केत गरेको छ । जिल्लामा नेपाल कम्युनिष्ट पार्टी (एमाले)ले दोस्रो र नेपाली काँग्रेसले तेस्रो धेरै मत पाएको छ । वि.सं. २०७९ सालको निर्वाचनमा २४ हजार २७१ मत ल्याएको एमालेले ११ हज...

खोटाङ, २५ फागुन । प्रतिनिधिसभा सदस्य निर्वाचनको मतगणना सम्पन्न भएसँगै खोटाङका ११ जना उम्मेदवारको जमानत जफत भएको छ । आफ्नो जमानत जोगाउन प्रत्येक सम्मेदवारले कम्तिमा पनि पाँच हजार ८६३ मत प्राप्त गर्नुपर्ने थियो । तर, ११ जना उम्मेदवारले त्यो मत प्राप्त गर्न नसक्दा जमानत जफत भएको हो । प्रतिनिधिसभातर्फ एउटामात्रै निर्वाचन क्षेत्र रहेको खोटाङमा यही फागुन–२१ गते सम्पन्न निर्वाचनमा ६२ हजार ५६६  मत खसेको थियो । जिल्लाका दश स्थानीय तहको १३६ वटा मतदान केन्द्रमा खसेको मतमध्ये ५८ हजार ६३८ मत सदर भएको छ भने, तीन हजार ९२८ मत बदर भएको मुख्य निर्वाचन अधिकृत एवम् जिल्ला न्यायाधीश फणिन्द्रप्रसाद पराजुलीले जानकारी दिनुभएको छ । निर्वाचन कानून अनुसार आफ्नो निर्वाचन क्षेत्रमा खसेको कुल सदर मतको दश प्रतिशत मत ल्याउन नसक्ने उम्मेदवारको जमानत जफत हुने व्यवस्था छ । उम्मेदवारले आफ्नो नाम दर्ता गर्दा मुख्य निर्व...

खोटाङ, २४ फागुन । केपिलासगढी गाउँपालिका–१ फेदीस्थित सुम्देका एकराज र चन्द्रकला राईका कान्छो सन्तानका रुपमा वि.सं. २०५३ असोज–८ गते जन्मनुभएका आरेन राई खोटाङबाट प्रतिनिधिसभा सदस्यमा निर्वाचित हुनुभएको छ । श्रम संस्कृति पार्टीका केन्द्रीय महासचिवसमेत रहनुभएका २९ वर्षीय आरेन यही फागुन–२१ गते सम्पन्न प्रतिनिधिसभा सदस्य निर्वाचनमा नेपाल कम्युष्टि पार्टी (एमाले) खोटाङका अध्यक्ष देवबिक्रम राईलाई तीन हजार ८९८ मतले पछाडि पार्दै निर्वाचित हुनुभएको हो । मङ्गोल नेशनल अर्गनाइजेशन पार्टी (एमएनओ)का सर्वोच्चसभा सदस्य एवम् आर्थिक विभाग प्रमुख पद परित्याग गरेर श्रम संस्कृति पार्टी निर्माणमा जुट्नुभएका महासचिव आरेनले यो निर्वाचनमा १६ हजार ६१२ मत प्राप्त गर्नुभएको मुख्य निर्वाचन अधिकृतको कार्यालयले जनाएको छ । वि.सं. २०८० सालमा मङ्गोल नेशनल अर्गनाइजेशन पार्टी परित्याग गरेर श्रम संस्कृति पार्टी निर्माणमा जुट्...

खाेटाङ, २४ फागुन । श्रम संस्कृति पार्टीका महासचिव आरेन राई खाेटाङबाट प्रतिनिधिसभा सदस्यमा निर्वाचित हुनुभएकाे छ । नेपाल कम्युनिष्ट पार्टी (एमाले)का उम्मेदवार देवबिक्रम राईलाई तीन हजार ८९८ मतान्तरले पछाडि पार्दै केपिलासगढी गाउँपालिका-१ फेदीस्थित सुङ्देका आरेन निर्वाचित हुनुभएकाे हाे । आरेनले १६ हजार ६१२ मत पाउँदा देवबिक्रमले १२ हजार ७१४ मत पाएको मुख्य निर्वाचन अधिकृतको कार्यालयले जनाएको छ । भर्खरै उदाएको श्रम संस्कृति पार्टीले पुराना दललाई पछाडि पार्दै फराकिलाे मतान्तरले जित हासिल गरेको हो । नेपाली काङ्ग्रेसका वीरकाजी राईले ११ हजार ९५७, नेपाली कम्युनिष्ट पार्टी (नेकपा)का डा. हरि रोकाले नाैँ हजार ४४३, राष्ट्रिय स्वतन्त्र पार्टी (रास्वपा)का रुद्र गिरीले पाँच हजार ७०४ र राष्ट्रिय परिवर्तन पार्टीका उम्मेदवार मिरेश राईले ९४७ मत प्राप्त गर्नुभएकाे छ । यस्तै, जनता समाजवादी पार्टी (जसपा)का रा...

खाेटाङ, २३ फागुन । प्रतिनिधिसभा सदस्य निर्वाचनमा श्रम संस्कृति पार्टीका महासचिव आरेन राईले सुरुवाती अग्रतालाई कायम राख्नुभएकाे छ । अपरान्ह ४:०० बजेसम्म सम्पन्न भएकाे २८,८२२ मत गणनामा आरेनले सात हजार १२२ मतसहित सुरुवाती अग्रतालाई कायम राख्नुभएकाे हाे । केपिलासगढी गाउँपालिका-१ फेदी निवासी उम्मेदवार आरेनलाई नेपाल कम्युनिष्ट पार्टी (एमाले)का देवबिक्रम राईले पछ्याइ राख्नुभएकाे छ । देवबिक्रमले पाँच हजार ८४५ प्रप्त गर्नुभएको मुख्य निर्वाचन अधिकृतकाे कार्यालयले जनाएकाे छ । यसअघिसम्म दाेस्राे स्थानमा रहेकाे नेपाली काँग्रेसका वीरकाजी राईले पाच हजार ५७५, नेपाली कम्युनिष्ट पार्टी (नेकपा)का डा. हरि राेकाले चार हजार ५८४, राष्ट्रिय स्वतन्त्र पार्टी (रास्वपा)का रुद्र गिरीले दुई हजार ५५५, जनता समाजवादी पार्टी (जसपा)का राकेश राईले १५६, राष्ट्रिय प्रजातन्त्र पार्टी (राप्रपा)का दीपक तामाङले ९१, जनता समा...

खाेटाङ, २३ फागुन । खाेटाङमा गणना गरिएका मतमध्ये एक हजार २७७ मत बदर भएकाे पाइएकाे छ । केपिलासगढी, रावाबेँसी, ऐसेलुखर्क र दिप्रुङ चुइचुम्मा गाउँपालिकाकाे १९ हजार ५०३ मत गणना गर्दा एक हजार २७७ मत बदर भएकाे हाे । मतदातामा मतदाता शिक्षा नपुगेका कारण धेरै सङ्ख्यामा मत बदर भएकाे जनाइएकाे छ । बदर भएका मतमध्ये अधिकांश एउटै मतपत्रमा दुई छाप हालेकाे पाइएकाे जिल्ला निर्वाचन कार्यालय खाेटाङका प्रमुख रविन मगरले जानकारी दिनुभएकाे छ । एउटामात्र निर्वाचन क्षेत्र रहेकाे खाेटाङमा श्रम संस्कृति पार्टीका उम्मेदवार आरेन राईकाे मत अग्रता कायमै रहेकाे छ । केपिलासगढी गाउँपालिका-१ फेदीका आरेनले चार हजार ७७४ मत प्राप्त गर्नुभएको छ । नेपाली काँग्रेसका वीरकाजी राईकाे चार हजार ३७२, नेपाल कम्युनिष्ट पार्टी (एमाले)का देवबिक्रम राईकाे तीन हजर ९९२, नेपाली कम्युनिष्ट पार्टी (नेकपा)का डा. हरि राेकाकाे दुई हजार ८०८, ...