ताजा समाचार

खोटाङ, ६ फागुन । जिल्ला अस्पताल खोटाङमा पाठेघर (आङ) खस्ने समस्या भएका महिलाका लागि निःशुल्क शल्यक्रियासहितको उपचार सेवा सुरु गरिएको छ । लामो समयदेखि पाठेघर सम्बन्धी समस्या भोग्दै आएका महिलालाई जिल्लामै उपचार सेवा उपलब्ध गराउन अस्पतालले निःशुल्क शल्यक्रियासहितको सेवा सुरु गरेको हो । अस्पतालमा पाठेघर सम्बन्धी समस्या भएका महिलाको निःशुल्क शल्यक्रियासहितको सेवा सुरु गरेलगत्तै दुई जना महिलाको सफल उपचार गरिएको अस्पतालका प्रमुख डाक्टर अमिताब ठाकुरले जानकारी दिनुभएको छ । “म यहाँ आएपछि धेरै महिलाको दुःख देखेँ । पाठेघर सम्बन्धी समस्या भएका महिलाका लागि उपचार गर्न काठमाडौँ वा विराटनगर जानुपर्ने बाध्यता रहेछ । अब कुनै पनि महिलाले त्यो बाध्यता व्यहार्नु पर्दैन”, उहाँले भन्नुभयो, “हाम्रो विशेषज्ञता प्रयोग गरेर खोटाङमै निःशुल्क शल्यक्रियासहितको सेवा उपलब्ध गराएका छौँ । जिल्लामै पहिलोपटक यो शल्यक्रियास...

खोटाङ, ६ फागुन । साकेला गाउँपालिकाको सामुदायिक भवनमा भएको आगलागीमा रु तीन करोड १६ लाख ३६ हजार बराबरको क्षति भएको प्रारम्भिक अनुमान गरिएको छ । गाउँपालिकाको स्टोर (भण्डारण गृह) र क्वाटर (आवास गृह)को रुपमा प्रयोग हुँदै आएको सामुदायिक भवनमा बुधबार आगलागी भएको हो । गाउँपालिकाको केन्द्र मात्तिमस्थित मानेभञ्ज्याङमा रहेको सामुदायिक भवनमा बुधबार बिहान करिब साढे छ बजेतिर आगलागी सुरु भएको थियो । सामुदायिक भवनमा आगलागी भएको जानकारी पाएलगत्तै घटनास्थल पुगेका ईलाका प्रहरी कार्यालय मात्तिम र स्थानीयवासीले करिब डेढ घण्टा लगाएर नियन्त्रणमा लिएको गाउँपालिकाका सूचना अधिकारी डिएम चाम्लिङले जानकारी दिनुभएको छ । आगलागीमा परेको भवनको साढे दुईतले पक्की सामुदायिक भवनको पहिलो तलामा गाउँपालिकाको स्टोर तथा माथिल्लो तलामा उपप्रमुख बिर्सिका राई र कर्मचारीको आवास रहेको थियो । बिहानको समयमा अचानक लागेको आगोको रुप ठ...

खोटाङ, ५ फागुन । नेपाली कम्युनिष्ट पार्टी (नेकपा) खोटाङका उम्मेदवार डा. हरि रोकाले मतदाताको अपेक्षा बुझ्न तथा उनीहरुले उठाएका सवालको जवाफ दिन ‘उम्मेदवारसँग प्रत्यक्ष जनसम्वाद’ कार्यक्रम सुरु गर्नुभएको छ । अर्थ तथा बाम राजनीतिक विश्लेषकसमेत रहनुभएका उम्मेदवार डा. रोकाले जिल्लाका दशवटै स्थानीय तहका मतदाताको अपेक्षा बझ्न र आफू निर्वाचित भएपछि प्रतिनिधिसभामा गएर उनीहरुको अपेक्षाअनुसारका नीति निर्माण गर्न जनसम्वाद कार्यक्रम सुरु गर्नुभएको हो । जनसम्वाद कार्यक्रममा मतदातासँग प्रत्यक्ष प्रश्नोत्तर तथा फोन र एसएमएसमार्फतसमेत उम्मेदवारलाई प्रश्न गर्ने व्यवस्था मिलाइएको चुनाव प्रचार–प्रसार समितिका संयोजक एवम् पूर्वमन्त्री राजन राईले जानकारी दिनुभएको छ । “उम्मेदवारसँगको जनसम्वाद कार्यक्रमलाई रेडियो तथा अनलाइनमार्फत लाइभ प्रशारण गर्छौँ । यसले उम्मेदवारलाई मतदाताप्रति उत्तरदायी बनाउनुका साथै मतदाताक...

खोटाङ, ५ फागुन । प्रतिनिधिसभा सदस्य निर्वाचन नजिकिएसँगै खोटाङमा राजनीतिक दलहरु कार्यकर्ता तानातानमा होटबाजी गर्न थालेका छन् । यही फागुन–२१ गते हुने प्रतिनिधिसभा सदस्य निर्वाचनको परिणाम आफ्नो पक्षमा पार्न जिल्लास्थित राजनीतिक दलहरु कार्यकर्ता तानातानमा होटबाजी गर्न थालेका हुन् । नेपाली कम्युष्टि पार्टी (नेकपा) खोटाङलय गत माघ–२० गते केपिलासगढी गाउँपालिकाका निवर्तमान गाउँपालिका प्रमुख कृष्णकुमार राईलाई प्रवेश गराएको थियो । नेपाल कम्युनिष्ट पार्टी (एमाले) खोटाङका जिल्ला सचिवालय समितिका पूर्वसदस्यसमेत रहनुभएका कृष्णकुमार एमाले केपिलासगढी गाउँपालिका कार्यसमिति उपसचिव रमेश परियारसहित विभिन्न पदमा रहेका कार्यकर्ता लिएर नेकपा प्रवेश गर्नुभएको हो । नेपाली कम्युनिष्ट पार्टी (नेकपा) जनताको भवना बुझ्ने र जेनजी आन्दोलनपछि सबैभन्दा पहिले पुनः गठन भएको पार्टी भएकाले आफू पनि नेकपा प्रवेश गरेको नेता र...

खोटाङ, ४ फागुन । शितला माध्यमिक विद्यालय खाल्लेले आफ्नो ६४ औँ वार्षिकोत्सव तथा अभिभावक दिवसको अवसरमा विद्यालय र समाजमा उल्लेखनीय योगदान पु¥याउने विभिन्न क्षेत्रका दर्जन बढी व्यक्तिलाई सम्मान गरेको छ । दिक्तेल रुपाकोट मझुवागढी नगरपालिका–४ खाल्लेमा सञ्चालित विद्यालयलाई सहयोग पु¥याउने दर्जन बढी व्यक्तिलाई सोमबार दोसल्ला ओढाएर ताम्रपत्रसहित सम्मान गरिएको हो । सम्मानित हुनेहरूमध्ये सोही विद्यालयमा अध्ययन गरी उच्च ओहोदामा पुग्न सफल न्यायाधीश नवराज दाहाल र पूर्वन्यायाधीश पर्शु भट्टराईलाई सम्मान गरिएको छ । न्यायाधीश दाहाल र पूर्वन्यायाधी भट्टराईको उपलब्धिलाई विद्यालयले आफ्नो गौरवका रूपमा लिँदै सम्मान प्रकट गरेको जनाएको छ । विद्यालय व्यवस्थापन समितिका पूर्वअध्यक्षहरू नवराज केसी, कटकबहादुर खत्री र रामचन्द्र केसीलाई अभिभावकतर्फबाट सम्मान गरिएको छ । उत्कृष्ट शिक्षकका रूपमा पुष्पराज खत्री र मदनसे...

खोटाङ, ४ फागुन । रावाबेँसी गाउँपालिका–४ डुम्रेधारापानीका भोजबहादुर थापामगर ‘लाफा दाइ’ले आर्ट (चित्रकला) व्यवसाय सुरु गर्नुभएको २८ वर्ष पूरा भयो । कलाकार भोजबहादुर आफ्नो नामले भन्दा कामले परिचित हुनुभएको छ । उहाँको आर्ट फर्मको नाम हो ‘लाफा आर्ट’ । उहाँ आफ्नो वास्तविक नाम (भोजबहादुर)ले भन्दा पनि लाफा दाइ भनेर चिनिने गर्नुभएको छ । लाफा भनेको मगर भाषामा साथी हो । स्नातकसम्मको अध्ययन पूरा गरेर जिल्ला फर्कनुभएका भोजबहादुरले वि.सं. २०५४ सालमा दिक्तेल बजारमा आर्ट व्यवसाय सुरु गर्नुभएको थियो । आधिकारिक रुपमा ‘लाफा आर्ट’ फर्म दर्ता गरेर व्यवसाय सुरु गर्नुभएका भोजबहादुरको अहिले मासिक कमाइ रु ८० हजारदेखि रु एक लाखसम्म हुने गरेको जनाइएको छ । जिल्लाको प्रमुख व्यापारिक केन्द्र दिक्तेल बजारस्थित सल्लेसीटोलका गेहकुमार सैंजूको घरमा एउटा कोठा भाडामा लिएर आर्ट व्यवसाय सुरु गर्नुभएका भोजबहादुरले अहिले त्...

खोटाङ, ३ फागुन । विश्वप्रसिद्ध त्रिधार्मिकस्थल खोटाङको हलेसीमा लागेको महाशिवरात्री मेलामा भक्तजन तथा दर्शनार्थीको बाक्लो भीड लागेको छ । हिन्दु, बौद्ध र किराँत धर्मालम्बीको सङ्गमस्थल हलेसीमा महाशिवरात्रीको अवसर पारेर तीन दिनसम्म लाग्ने बृहत मेलामा बिहानैदेखि दर्शनार्थी तथा भक्तजनको भीड लागेको हो । हलेसीमा लागेको महाशिवरात्री मेला भर्न छिमेकी राष्ट्र भारत, चीन, भुटान, बङ्गलादेश, दक्षिण कोरिया लगायत विभिन्न राष्ट्रबाट करिब तीन हजारको हाराहारीमा भक्तजन तथा दर्शनार्थीहरु हलेसी आएको मन्दिर व्यवस्थापन समितिले जनाएको छ । हलेसी आउने अधिकांश दर्शनार्थी तथा भक्तजनले आफ्नै सवारीसाधन ल्याएर आउने गरेकाले पार्किङ गर्ने ठाउँ व्यवस्थापनमा समस्या देखिएको छ । हलेसीमा लागेको महाशिवरात्री मेला भर्न आउने दर्शनार्थी तथा भक्तजनलाई सहजरुपमा पूजाआजा गर्ने वातावरण मिलाउन स्वयम्सेवक तथा प्रहरीसमेत परिचालन गरिएक...

खोटाङ, २ फागुन । महाशिवरात्री तथा २६३ औँ नेपाली सेना दिवसको अवसर खोटाङमा आयोजना गरिएको ‘रन फर फन’ दौड प्रतियोगिताको उपाधि खिमबहादुर ओली र दीर्पा बस्नेले जित्नुभएको छ । नेपाली सेनाको दिक्तेलस्थित रणभीम गण मुडे ब्यारेकले आयोजना गरेको दौड प्रतियोगिताको पुरुषतर्फ रणभीम गणका ओली र महिलातर्फ केपिलासगढी गाउँपालिका–४ बाक्सिलाकी बस्नेत उपाधि जित्नुभएको हो । महिला÷पुरुष दुवैमा पाँच किलोमिटर दूरीको दौड प्रतियोगिताको पुरुषतर्फ मुडे ब्यारेकका लेखराज पुन मगर द्धितीये, सागर नेपाली तृतीय र केपिलासगढी गाउँपालिका–३ बास्पानीका सूर्यराज राई सान्त्वना हुनुुभएको छ । महिलातर्फको प्रतियोगितामा रणभीम गण मुडे ब्यारेककी पुष्पा अवस्ती द्धितीय, अस्मिता महतो तृतीय र दिक्तेल इङ्ग्लिस बोर्डिङ स्कूलकी छात्रा मन्दिरा थापा सान्त्वना हुनुभएको छ । पुरुष तथा महिलातर्फ दुवै प्रतियोगिताका प्रथम, द्धितीय, तृतीय र सान्त्वना ...

खोटाङ, २ फागुन । ‘बोलाओ राइडिङ एप्स’मार्फत खोटाङमा भाडा तिरेर जुनसुकै समयमा जुनसुकै ठाउँको यात्रा गर्न सकिने भएको छ । यात्रुलाई जुनसुकै समयमा जुनसुकै ठाउँको सहज, शुलभ् र सुरक्षित यात्रा गराउँदै व्यवसाय गर्ने उद्देश्यले ‘बोलाओ राइडिङ एप्स’ले खोटाङमा आफ्नो सेवा विस्तार गरेको हो । यात्रुको सेवाका लागि पहिलो चरणमा १६ वटा मोटरबाइक र तीनवटा अटो तैनाथ राखिएको बोलाओ राइडिङ एप्सका खोटाङ राइडर संयोजक आश्रय राईले जानकारी दिनुभएको छ । ‘पठाओ’ जस्तै अनलाइन राइडिङ प्रणालीमा आधारित बोलाओ राइडिङ एप्सले जिल्लामा पहिलोपटक भाडा लिएर यातायात सेवा सुरु गरेको हो । बोलाओ राइडिङ एप्सले किलोमिटरका आधारमा भाडादर स्वतः निर्धारण गर्ने र यात्रुले नगद तथा क्यूआरमार्फत भुक्तानी गर्न मिल्ने व्यवस्था मिलाइएको खोटाङ सुपरभाइजर दिनेश हिङ्माङले जानकारीले जानकारी दिनुभएको छ । “एप्समार्फत जिलाभरिका सेवाग्राहीले मोटरबाइक, अ...

खोटाङ, २ फागुन । हलेसी तुवाचुङ नगरपालिकाले भारतको मेघालयस्थित अवैध कोइलाखानीमा भएको विष्फोटमा परेर ज्यान गुमाएका आफ्ना नागरिकको परिवारलाई आर्थिक सहयोग उपलब्ध गराएको छ । रोजगारीको सिलसिलामा चार महिनाअघि मेघालय जानुभएका वडा नं. ५ दुर्छिमका ५० वर्षीय रत्न राईको कोइलाखानीमा काम गर्दैगर्दा गत माघ–२२ गते भएको विष्फोटमा परेर ज्यान गएको पुष्टि भएपछि नगरपालिकाले रु ५१ हजार आर्थिक सहयोग उपलब्ध गराएको हो । गत असोज–९ गते मेघालय जानुभएका घरको अभिभावक रत्नको विष्फोटमा परेर ज्यान गएपछि परिवारका सदस्यलाई राहतस्वरुप घरैमा लगेर आर्थिक सहयोग रकम उपलब्ध गराइएको नगरप्रमुख विमला राईले जानकारी दिनुभएको छ । नगरपालिकाले उपलब्ध गराएको रकमको चेक शुक्रबार मृतक रत्नको श्रीमती मिना राई (तामाङ)लाई नगरप्रमुख राईले घरैमा लगेर प्रदान गर्नुभएको हो । दुर्छिमस्थित जोरकाफलका राई दम्पतीको दुई छोरा र दुई छोरी छन् । ज्यालाम...